wd wp Пошук: ⬜

Слуцкая акруга

Слу́цкая акру́га — адміністрацыйна-тэрытарыяльная адзінка Беларускай ССР, якая існавала з ліпеня 1924 года да 6 чэрвеня 1927 года і з 21 чэрвеня 1935 года па 20 лютага 1938 года. Адміністрацыйны цэнтр — горад Слуцк.

Акруга ў 1924—1927

Слуцкая акруга была ўтворана 17 ліпеня 1924 года[1] і ўлучала 7 раёнаў: Грэскі, Капыльскі, Любанскі, Слуцкі, Старадарожскі, Старобінскі і Чырвонаслабодскі [2]. Была скасавана 6 чэрвеня 1927 года[3]. Яе тэрыторыя тым часам была раздзеленая паміж Бабруйскай і Мінскай акругамі.

Паводле перапісу 1926 года колькасць насельніцтва складала 309,4 тыс. чалавек, з іх ліку беларусаў — 90,0%, яўрэяў — 6,7%, рускіх — 1,4%, палякаў — 1,3%.

Пагранічная акруга 1935—1938 гадоў

Зноў акруга была ўтворана 21 чэрвеня 1935 года ў якасці пагранічнай акругі (якія ў тыя часы ствараліся ўздоўж заходняй граніцы СССР). Акруга ўлучала 6 раёнаў: Грэскі, Капыльскі, Любанскі, Слуцкі, Старобінскі і Чырвонаслабодскі.

Была скасавана 20 лютага 1938 года ў сувязі з увядзеннем абласнога падзелу ў саюзных рэспубліках СССР.

Кіраўніцтва

Старшыні Выканкама акружнога Савета

Карнілій Максімавіч Жолудаў (жнівень 1935 — ліпень 1937)
в. а. Міхаіл Васілевіч Кулагін (кастрычнік 1937 — красавік 1938)

Першыя сакратары акружнога камітэта КП(б)Б

Саламон Давідавіч Каменштэйн (да 1937)
Сямён Сцяпанавіч Ігаеў (1937 — сакавік 1938)

Зноскі

↑ История Архівавана 31 снежня 2010.(руск.) // Слуцкі раённы выканаўчы камітэт
↑ Анатолій Жук Адшумелі стагоддзі над Случчу-ракой(нявызн.). Слуцкі край (25 верасня 2009). Праверана 18 лютага 2011.
↑ БССР Архівавана 18 ліпеня 2011. (руск.)

Літаратура

Белорусская ССР: Краткая энциклопедия. — Мн: Гл. ред. Белорус. Сов. Энциклопедии, 1979. — Т. 1. — 768 с.
Слуцкая акруга // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 28. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.