wd wp Пошук:
    ⬜

    Адам Антонавіч Бабарэка

    У Вікіпедыі ёсць артыкулы пра іншых асоб з прозвішчам Бабарэка.

    А. Бабарэка сядзіць 2-гі злева

    Адам Антонавіч Бабарэка (2 (14) кастрычніка 1899, в. Слабада-Кучынка Слуцкага павета[1], цяпер Капыльскі раён Мінскай вобласці — 10 кастрычніка 1938, НКУС) — беларускі літаратуразнавец, кpытык, празаік, паэт, філосаф.

    Біяграфія

    Вучыўся ў Слуцкай школе, скончыў Мінскую духоўную семінарыю (1918), настаўнічаў на Случчыне. Падчас польскай ваеннай інтэрвенцыі ўдзельнічаў у камуністычным падполлі і партызанскім руху на Случчыне[1], быў арыштаваны польскімі ўладамі (1920). Пасля вызвалення зноў працаваў настаўнікам, быў членам рэўкома Пукаўскай воласці Ігуменскага павета і загадваў валасным аддзелам народнай асветы. Служыў у Чырвонай Арміі (1921—1922). У 1922—1927 вучыўся на этнолага-лінгвістычным аддзяленні БДУ[1] і працаваў у рэдакцыі газеты «Савецкая Беларусь».

    А. Бабарэка стаў адным з арганізатараў і кіраўнікоў літаратурных аб’яднанняў «Маладняк» (1923), і пазней «Узвышша» (1926)[1]. У 1926—1929 працаваў у Камуністычным універсітэце Беларусі выкладчыкам беларускай мовы і літаратуры, а з 1928 — асістэнтам кафедры гісторыі беларускай літаратуры БДУ[1].

    Супрацоўнік Інстытута беларускай культуры[2].

    Быў жанаты, гадаваў дваіх дзяцей[3].

    Арыштаваны ДПУ БССР 25 ліпеня 1930 у Мінску па справе «Саюза вызвалення Беларусі» (Гл. таксама: Рэпрэсіі ў БССР, 1929-1931). 10 кастрычніка 1931 прыгавораны калегіяй АДПУ як «член контррэвалюцыйнай арганізацыі» і за «антысавецкую агітацыю» да 5 гадоў ссылкі. Год прабыў у мінскай турме, ссылку адбываў у г. п. Слабадское Кіраўскай вобласці, з канца 1934 у Кіраве (Вятка), працаваў бухгалтарам. Тэрмін ссылкі быў падоўжаны на 2 гады ў адміністрацыйным парадку. Паўторна арыштаваны 24 ліпеня 1937 у рамках сфабрыкаванай маштабнай акцыі па рэпрэсаванні беларусаў, сасланых АДПУ у пачатку 1930-х. 15 лютага 1938 прыгавораны тройкай НКУС па Кіраўскай вобласці да 10 гадоў зняволення ў працоўна-папраўчых лагерах. Пакаранне адбываў у пасёлку Княж-Пагост Комі АССР у Паўночным чыгуначным лагеры НКУС, дзе памёр у лагернай бальніцы. Па першай справе рэабілітаваны судовай калегіяй па крымінальных справах Вярхоўна­га суда БССР 15.11.1957, па другой — 4.7.1959 Кіраўскім абласным судом. Групавая справа А. Бабарэкі і іншых № 20951-с з фотаздымкам захоўваецца ў ар­хіве КДБ Беларусі.

    Творчасць

    Дэбютаваў у 1920 вершамі і апавяданнямі ў газеце «Савецкая Беларусь». У 1925 выдаў кнігу прозы «Апавяданні» (Мінск). Пасля яе выхаду пісаў пераважна літатурна-крытычныя артыкулы. Распрацоўваў метадалагічныя пытанні літаратуразнаўства і эстэтыкі, прынцыпы класавай, народнасці, сацыяльнай і эстэтычнай каштоўнасці літаратуры, даследаваў гісторыю беларускай літаратуры[1] (артыкулы змяшчаліся ў часопісах «Маладняк», «Узвышша», «Чырвоны сейбіт», «Радавая рунь» і інш.). Шэраг прац прысвечаны творчасці Я. Коласа, М. Багдановіча, У. Дубоўкі, М. Чарота, З. Бядулі і іншых беларускіх пісьменнікаў[1].

    Выбраная бібліяграфія

    Зноскі

    1. 1 2 3 4 5 6 7 Бабареко Адам Антонович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 35. — 737 с.
    2. ↑ Бабарэка Адам Антонавіч // Возвращенные имена: Сотрудники АН Беларуси, пострадавшие в период сталин. репрессий / сост. и авт. предисл. Н. В. Токарев; под ред. А. С. Махнача.. — Мн .: Навука i тэхнiка, 1992. — С. 20. — 120 с. — 1 000 экз. — ISBN 5-343-01246-9.
    3. ↑ Дачка Алеся жыве ў Маскве.

    Літаратура

    Выкарыстаныя крыніцы

    Дадатковая літаратура

    Спасылкі

    s: Адам Антонавіч Бабарэка ў Вікікрыніцах
    commons: Адам Антонавіч Бабарэка на Вікісховішчы
    Тэмы гэтай старонкі (36):
    Нарадзіліся ў Капыльскім раёне
    Літаратуразнаўцы Беларусі
    Вікіпедыя:Спасылка на Вікікрыніцы непасрэдна ў артыкуле
    Вікіпедыя:Спасылкі на Беларускую энцыклапедыю без нумароў старонак
    Вікіпедыя:Спасылка на Вікісховішча непасрэдна ў артыкуле
    Памерлі ў ГУЛАГу
    Крытыкі паводле алфавіта
    Асуджаныя па справе «Саюза вызвалення Беларусі»
    Сябры літаратурнага аб’яднання «Маладняк»
    Асобы
    Вікіпедыя:Спасылкі на Беларускую энцыклапедыю без аўтара
    Памерлі 10 кастрычніка
    Нарадзіліся ў Слуцкім павеце
    Памерлі ў Комі
    Беларускамоўныя пісьменнікі
    Памерлі ў 1938 годзе
    Нарадзіліся 14 кастрычніка
    Крытыкі Беларусі
    Вікіпедыя:Артыкулы з пераазначэннем значэння з Вікідадзеных
    Выкладчыкі БДУ
    Вікіпедыя:Спасылкі на Энцыклапедыю гісторыі Беларусі без назвы артыкула
    Пісьменнікі Беларусі
    Артыкулы са спасылкамі на Вікікрыніцы
    Рэпрэсаваныя савецкай уладай
    Вікіпедыя:Спасылкі на Беларускую энцыклапедыю без назвы артыкула
    Паэты Беларусі
    Беларускамоўныя паэты
    Нарадзіліся ў 1899 годзе
    Нарадзіліся ў 1938 годзе
    Пісьменнікі паводле алфавіта
    Выпускнікі БДУ
    Вікіпедыя:Спасылкі на Энцыклапедыю гісторыі Беларусі без аўтара
    Вікіпедыя:Спасылкі на Энцыклапедыю гісторыі Беларусі без нумароў старонак
    Сябры літаратурнага аб’яднання «Узвышша»
    Памерлі ад туберкулёзу
    Нарадзіліся 10 кастрычніка