Allium proliferum — шматгадовая травяністая расліна з роду Цыбуля (Allium) сямейства Амарылісавыя (Amaryllidaceae). Від гібрыднага паходжання [Allium cepa × Allium fistulosum][3], агароднінная культура, прыдатная для вырошчвання ранняй вясной.
Від, верагодна, паходзіць з Кітая, у Еўропу быў завезены ў сярэднія вякі.
Лісце шырокае трубчастае, вышынёй да 40 см, расце ўсё лета. Суквецце пасаджана на трубчастую стрэлку, на якой замест кветак утвараюцца паветраныя цыбуліны. Вышыня стрэлкі можа дасягаць 1 метра. Пасля ад суквецця ўтвараецца новая кветкавая стрэлка, якая таксама сканчаецца суквеццем з паветранымі цыбулінкамі. Такім чынам можа фармавацца ад 2 да 4 узроўняў. Паветраныя цыбуліны, маюць вагу каля 1,5 г, на кожным суквецці ўтвараецца ад 3 да 30 такіх цыбулінак.
Размнажэнне адбываецца вегетатыўным спосабам, ад паветраных або прыкаранёвых цыбулін.
Класіфікацыя Кронквіста (1988) адносіла гэты род да лілейных (Liliaceae), пазней паводле вынікаў філагенетычных даследаванняў род Цыбуля (Allium) быў выдзелены ў асобнае сямейства Цыбулевыя (Alliaceae) (Сістэма APG II(руск.) бел.), аднак у больш позняй Сістэме класіфікацыі APG III(руск.) бел. (2009) роды, якія ўваходзілі ў гэта сямейства, былі ўключаны ў сямейства Амарылісавыя (Amaryllidaceae)[4].
яшчэ 13 сямействаў, сярод якіх найбольш буйныя — Касачовыя, Асфадэлавыя, Архідныя, Спаржавыя | яшчэ дзве трыбы: Gilliesieae, Tulbaghieae[5] | яшчэ некалькі соцен відаў, у тым ліку Цыбуля-батун, Цыбуля-парэй, Часнок, Цыбуля скарада, Цыбуля рэпчатая | ||||||||||||||||||
парадак Спаржакветныя | падсямейства Allioideae | род Цыбуля | ||||||||||||||||||
аддзел Кветкавыя, ці Пакрытанасенныя | сямейства Амарылісавыя (каля 1600 відаў) | трыба Allieae | Allium proliferum | |||||||||||||||||
яшчэ 58 парадкаў кветкавых раслін (згодна з Сістэмай класіфікацыі APG III)[4] | яшчэ два падсямействы, Agapanthoideae і Amaryllidoideae[5] | яшчэ каля 15 родаў, з іх да роду Цыбуля найбольш блізкі Nectaroscordum | ||||||||||||||||||
Пёры ў свежым выглядзе ідуць у ежу, для салаты і як заправа да супоў і гарніру. Цыбулінкі прымяняюцца для марынавання.