У паняцця ёсць і іншыя значэнні, гл. Чэрнінскі сельсавет (значэнні).
Чэ́рнінскі сельсавет — адміністрацыйна-тэрытарыяльная адзінка ў складзе Брэсцкага раёна Брэсцкай вобласці. Адміністрацыйны цэнтр — аграгарадок (да 2007 г. вёска) Чэрні.
Утвораны 12 кастрычніка 1940 года як Чэрнеўскі сельсавет у складзе Брэсцкага раёна Брэсцкай вобласці БССР. 3 чэрвеня 1957 года да сельсавета далучана тэрыторыя скасаванага Тэльмінскага сельсавета, вёскі Малая Курніца, Несвіло, Скорбічы і Чарнакі перададзены ў склад Чарнаўчыцкага сельсавета, вёскі Шэбрын, Падбулькова і Булькова Зарэчча — у склад Трышынскага сельсавета[2]. 22 сакавіка 1962 года Чэрнеўскі сельсавет перайменаваны ў Тэльмінскі, цэнтр сельсавета перанесены ў вёску Тэльмы-1[3]. 8 мая 1970 года Вычулкаўскі сельсавет перайменаваны ў Чэрнінскі, цэнтр сельсавета перанесены ў вёску Чэрні, вёскі Булькава, Вычулкі, Падбулькава, Шчэбрын і Ямна Вычулкаўскага сельсавета перададзены ў склад Тэльмінскага сельсавета, з Тэльмінскага сельсавета ў склад Чэрнінскага сельсавета перададзены вёскі Братылава, Бярдычы, Валоскі, Вітошкі, Вялікая Курніца, Вялікія Косічы, Вялюнь, Гутавічы, Забярэззе, Залессе, Збірагі, Карабаны, Клімовічы, Максімы, Машчонка, Селяхі, Харытоны, Чэрні і хутары Бабры, Макасі, Малькі і Чэрні[4]. 4 верасня 1972 года скасаваны вёска Максімы (злілася з вёскай Збірагі), хутары Макасі, Чэрні (зліўся з вёскай Чэрні) і Малькі (зліўся з вёскай Вялікія Косічы)[5]. 4 красавіка 1983 года ў склад Тэльмінскага сельсавета перададзены 4 населеныя пункты (вёскі Машчонка, Новыя Задворцы, Плоска, Старыя Задворцы)[6].
У склад сельсавета ўваходзяць 16 населеных пунктаў:
Населены пункт | Статус | Насельніцтва | Паштовы індэкс |
---|---|---|---|
Братылава | вёска | 99 | 225001 |
Бярдычы | вёска | 76 | 225001 |
Валоскі | вёска | 20 | 224010 |
Вітошкі | вёска | 4 | 224010 |
Вялікая Курніца | вёска | 285 | 225001 |
Вялікія Косічы | вёска | 153 | 225003 |
Вялюнь | вёска | 85 | 225001 |
Гутовічы | вёска | 24 | 225001 |
Забярэззе | вёска | 1 | 225001 |
Залессе | вёска | 50 | 224010 |
Збірагі | вёска | 157 | 225002 |
Карабаны | вёска | 5 | 224010 |
Клімовічы | вёска | 1 | 225001 |
Селяхі | вёска | 37 | 225001 |
Харытоны | вёска | 72 | 224010 |
Чэрні | аграгарадок | 2685 | 225001 |
З 1 чэрвеня 2007 года Машчонка ўвайшла ў склад горада Брэст[7].
Насельніцтва сельсавета паводле перапісу 2009 года — 3754 чалавекі[8], з іх 81,7 % — беларусы, 9,0 % — рускія, 7,7 % — украінцы[9].