Чарасы
Чара́сы[1] (трансліт.: Čarasy) — аграгарадок у Мёрскім раёне Віцебскай вобласці. Уваходзіць у склад Мёрскага сельсавета.
Каля аграгарадка знаходзяцца азёры Трубінец і Грэцкае, а таксама ў самім населеным пункце — возера Чэрас. Аграгарадок знахлдзіцца ў 6 км на ўсход ад Мёраў.
Назва
Нарматыўная назва населенага пункта — Чарасы, таксама сустракаецца назва Чэрас і Чэрасы.
Гісторыя
Першае згадванне населенага пункта — 1505 год. У часы Вялікага Княства Літоўскага Чарасы належылі Сапегам і Радзівілам і ўваходзілі ў склад Браслаўскага павета Віленскага ваяводства. Пасля Другога раздзела Рэчы Паспалітай Чарасы ўвайшлі ў склад Дзісенскага павета Віленскай губерні Расійскай імперыі.
Пад час Польска-літоўскай вайны, у кастрычніку 1920 года населены пункт занялі польскія войскі. У 1921 годзе, па Рыжскаму мірнаму дагавору, Чарасы ўвайшлі ў склад Дзісенскага павета Польскай рэспублікі. З 1926 года — у складзе Браслаўскага павета Віленскага ваяводства[2].
Паводле звестак перапісу насельніцтва Польшчы 1921 года Чарасы засялялі:
- У паселішчы – 116 чалавек; 26 чалавек былі каталікамі рымскага абраду і 90 — ПАПЦ. Пры гэтым 12 жыхароў адказалі на пытанне нацыянальнай прыналежнасці, што яны палякі, а 104 — беларусы. Тут было 16 двароў. У 1931 годзе ў 16 дварах пражывала 110 чалавек.
- Вакол — 15 чалавек; 7 было каталікоў рымскага абраду, 3 ПАПЦ і 5 юдэяў. Пры гэтым 3 жыхары назвалі сабе палякамі, 7 — беларусамі і 5 — жыдамі. Тут было 3 двары. У 1931 годзе ў 3 дварах пражываў 31 чалавек.
Вернікі належалі да рыма-каталіцкага прыхода ў царкве Узнясення Найсвяцейшай Дзевы Марыі ў Мёрах і мясцовага праваслаўнага прыхода ў Свята-Мікалаеўскай царкве. Вёска падпарадкоўвалася Гродскаму суду ў Друі; Паштовае аддзяленне размяшчалася ў Мёрах.
У выніку акупацыі усхода Другой польскай рэспублікі камуністамі ў верасні 1939 года вёска таксама апынулася пад савецкай акупацыяй. 2 лістапада была ўключана ў склад БССР. З чэрвеня 1941 года пад нацыстскай акупацыяй. У 1944 годзе вёска была зноў акупаваная савецкімі войскамі і ўключана ў Полацкую вобласць БССР і Чарасы сталі цэнтрам сельсавета.
У 1959 годзе Чарасаўскі сельсавет быў расфармірован, а населены пункт быў перададзены Якубаўшчынскага сельсавета. З 1991 года Чарасы апынуліся ў складзе Мёрскага раёна Віцебскай вобласці незалежнай Беларусі. У 1992 годзе Якубаўшчынскі сельсавет быў перайменаваны ў Чараскі сельсавет, але 8 красавіка 2004 года сельсавет быў скасаваны, а яго тэрыторыя ўвайшла ў склад адноўленага Мёрскага сельсавета.
У 2018 годзе Чарасы былі газафікаваны.
Насельніцтва
Інфраструктура
- Аграфірма «Чарасы»
- Дзіцячы сад
- Бібліятэка
- 1 перавулак
- 6 вуліц
Славутасці
- Свята-Мікалаеўская царква (1885—1886 гады) (і комплекс з домам святара, кладбішчам і царкоўнай школай канца XIX — пачатака XX стагоддзяў) —
Гісторыка-культурная каштоўнасць Беларусі, шыфр 213Г000570шыфр 213Г000570.
Зноскі
- ↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).. Сустракаецца таксама варыянт Чэ́расы
- ↑ Wykaz miejscowości Rzeczypospolitej Polskiej, Warszawa 1938, wolumin — 1, s. 43
- ↑ Skorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923, s 41.
- ↑ Wykaz miejscowości Rzeczypospolitej Polskiej, Warszawa 1938, wolumin — 1, s. 7
Літаратура
- Czeress, folwark i dobra, powiat dzisieński, gmina Czeress // Słownik geograficzny Królestwa Polskiego i innych krajów słowiańskich. — Tom XV, cz. 1 (Abablewo — Januszowo), 1900. — S. 364 (польск.)
Спасылкі
На Вікісховішчы ёсць медыяфайлы па тэме Чарасы
Вікіпедыя:Артыкулы з пераазначэннем значэння з Вікідадзеных
Населеныя пункты паводле алфавіта
Населеныя пункты Мёрскага раёна
Артыкулы пра населеныя пункты Беларусі, створаныя аўтаматычна
Населеныя пункты Беларусі з насельніцтвам з Вікідадзеных
Мёрскі сельсавет
Чарасы
Аграгарадкі Віцебскай вобласці