wd wp Пошук: ⬜

Рыгор Маркавіч Трухноў

Рыгор Маркавіч Трухно́ў[1] (15 кастрычніка 1908 — 26 лістапада 1986) — гісторык, доктар гістарычных навук (1966), прафесар (1967), Заслужаны работнік вышэйшай школы Беларускай ССР (1982).

Біяграфія

Нарадзіўся ў вёсцы Шамкі Барысаўскага павета Мінскай губерні (зараз у Крупскім раёне Мінскай вобласці Беларусі). У 1929 годзе скончыў савецкую партыйную школу і да 1931 года выкладаў гісторыю на рабфаку ў горадзе Дуброўна [2]. У 1934 годзе скончыў Мінскі педагагічны інстытут (сацяльна-эканамічны факультэт[2]) і ў 1934—1938 гадах выкладаў гісторыю і геаграфію ў Барысаве. У 1941 годзе скончыў аспірантуру пры кафедры новай гісторыі Беларускага дзяржаўнага ўніверсітэта. У ліпені—кастрычніку 1941 года працаваў выкладчыкам новай гісторыі Узбекскага дзяржаўнага ўніверсітэта [2]. Удзельнік Вялікай Айчыннай вайны з кастрычніка 1941 года. Ваяваў на Паўднёва-Заходнім, Стэпавым, Данскім, 1-м Беларускім франтах. Удзельнік Сталінградскай бітвы. Дэмабілізаваны ў 1946 годзе ў званні гвардыі капітана. З 1946 года Р. М. Трухноў у Беларускім дзяржаўным універсітэце, прафесар кафедры новай і навейшай гісторыі гістарычнага факультэта. У 1948 годзе абараніў кандыдацкую дысертацыю на тэму «Германская імперыялістычная палітыка на Балканах у перыяд першай Балканскай вайны 1912—1913 гг.»[3], у 1964 годзе — доктарскую на тэму «Рэвалюцыйны ўздым у Германіі (з 1918 года да пачатку Рурскай акупацыі 1923 году)»[3].

Памёр 26 лістапада 1986 года.

Навуковая дзейнасць

Асноўныя працы Р. М. Трухнова па пытаннях гісторыі Германіі і савецка-германскіх адносінах першай паловы XX стагоддзя, гісторыі міжнародных адносін і рабочага руху.

Сярод апублікаванага:

Германский вопрос на Лондонской репарационной конференции (16 июля — 16 августа 1924 г.). — Мн., 1959.
Классовая борьба в Германии в 1922—1923 гг. — Мн., 1969.
Рапалло в действии: Из истории советско-германских отношений (1926—1929 гг.) — Мн., 1982.

Узнагароды і званні

2 ордэны Чырвонай Зоркі (1943, 1944)
Ордэн Айчыннай вайны I ступені (1945)
Ордэн Айчыннай вайны II ступені (1945)
Медаль «За перамогу над Германіяй у Вялікай Айчыннай вайне 1941—1945 гг.» (1945)
Медаль «За вызваленне Варшавы»
Медаль «За ўзяцце Берліна»
Заслужаны работнік вышэйшай школы Беларускай ССР (1982).

Зноскі

↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо.
1 2 3 З АЎТАБІЯГРАФІІ ПРАФЕСАРА БДУ Г. М. ТРУХНОВА // Архіў БДУ. Ф. 205. Воп. 10. Спр. 328. Л. 4. Машынапіс.
1 2 Рыгор Маркавіч Трухноў (02.10.1908—26.11.1986) // Гістарычны факультэт БДУ

Літаратура

Бараноўскі П. М. Трухноў Рыгор Маркавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 540. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.
Пётр Бараноўскі. Трухноў Рыгор Маркавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 2001. — 591 с.: іл. — 10 000 экз. — ISBN 985-11-0214-8. — С. 525.

Спасылкі