Плескавіца (сербск.: Пљескавица) — папулярная на Балканах страва ў выглядзе круглай плоскай катлеты.[1]
Плескавіцу ядуць у Сербіі, Босніі і Герцагавіне, Чарнагорыі і Паўночнай Македоніі. Таксама можна знайсці і ў Румыніі, Славеніі, Харватыі і Балгарыі. Традыцыйная плескавіца гатуецца з сумесі ялавічыны і свініны на грылі і падаецца гарачай з гарнірам (у Бялградзе), хлебам, сырам, або як гамбургер ці са свежым каймакам на піце.[2]
У апошні час плескавіца набыла папулярнасць у Еўропе і гатуецца ў спецыяльных рэстаранах хуткага харчавання ў Германіі, Швецыі і Аўстрыі. Часта падаецца з каймакам, соусам айвар з перцу і ўрнебесам — сырам, змяшаным з вострым соусам.