wd wp Пошук: ⬜

Падлясейкі

Падлясе́йкі[1] (трансліт.: Padliasiejki, руск.: Подлесейки) — вёска ў Баранавіцкім раёне Брэсцкай вобласці. Уваходзіць у склад Крошынскага сельсавета. Размешчана за 20 км на паўночны ўсход ад Баранавіч, за 5 км ад чыгуначнай станцыі Пагарэльцы на лініі Баранавічы—Мінск. Насельніцтва 448 жыхароў, 214 гаспадарак (2005).

Гісторыя

Паводле перапісу 1897 годзе ў Чэрніхаўскай воласці Навагрудскага павета Мінскай губерні, хлебазапасны магазін, кузня, карчма, 2 ветраныя млыны.

З 1921 года ў складзе Польшчы, у Чэрніхаўскай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне. З 12 кастрычніка 1940 года да 1987 года цэнтр Падлясейскага сельсавета.

У Вялікую Айчынную вайну з канца чэрвеня 1941 года да 6 ліпеня 1944 года вёска акупіравана нямецка-фашысцкімі захопнікамі, на франтах вайны загінулі 17 вяскоўцаў.

Інфраструктура

Працуюць калгасная сядзіба, рамонтнамеханічныя майстэрні, ветэрынарны ўчастак, Дом быту, сярэдняя школа, Дом культуры, бібліятэка, фельчарска-акушэрскі пункт, аддзяленне сувязі, 2 магазіны.

Насельніцтва

• XIX стагоддзе:
  • 1897 — 99 двароў, 539 жыхароў.
• XX стагоддзе:
  • 1909 — 117 двароў, 607 жыхароў.
  • 1921 — 126 дамоў, 739 жыхароў.
  • 1939 — 892 жыхары.
  • 1959 — 1051 жыхар.
  • 1970 — 836 жыхароў.
  • 1998 — 219 двароў, 524 жыхары.
  • 2000 — 232 двары, 520 жыхароў[2].
• XXI стагоддзе:
  • 2005 — 448 жыхароў, 214 гаспадарак.

Славутасці

• Сядзіба Сакаловічаў: флігель, сыраварня, гаспадарчыя пабудовы, рэшткі парку

На адным з дамоў устаноўлена ў 1983 годзе мемарыяльная дошка на ўшанаванне памяці старшыні былога Падлясейскага сельсавета А. К. Пятліцкага, забітага бандытамі ў 1948 годзе Ён пахаваны на могілках у суседняй вёсцы Ятвезь.

Страчаная спадчына

• Сядзібны дом

• Сядзіба Сакаловічаў. Флігель

• Парк

• Сыраварня

• Гаспадарчая пабудова

Вядомыя асобы

• Тамара Міхайлаўна Булавіна (нар. 1959) — беларускі спецыяліст у галіне аграноміі, земляробства і раслінаводства. Доктар сельскагаспадарчых навук (2010), прафесар (2016).

Зноскі

1. ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. ↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.
• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8. — С. 501.

Спасылкі

• На Вікісховішчы ёсць медыяфайлы па тэме Падлясейкі
• Падлясейкі на сайце Глобус Беларусі (руск.)

Тэмы гэтай старонкі (9):
Вікіпедыя:Спасылкі на Беларускую энцыклапедыю без назвы артыкула
Артыкулы са спасылкамі на Глобус Беларусі
Населеныя пункты паводле алфавіта
Населеныя пункты Баранавіцкага раёна
Населеныя пункты Беларусі з насельніцтвам з Вікідадзеных
Артыкулы пра населеныя пункты Беларусі, створаныя аўтаматычна
Вікіпедыя:Спасылкі на Беларускую энцыклапедыю без аўтара
Вікіпедыя:Спасылкі на Беларускую энцыклапедыю без нумароў старонак
Крошынскі сельсавет