Тамара Міхайлаўна Булавіна (нар. 17 жніўня 1957, в. Падлясейкі, Баранавіцкі раён, Брэсцкая вобласць) — беларускі спецыяліст у галіне аграноміі, земляробства і раслінаводства. Доктар сельскагаспадарчых навук (2010), прафесар (2016).
Скончыла Беларускую сельскагаспадарчую акадэмію (спецыяльнасць «Аграномія», 1980; аспірантура, 1992).
Працавала ў Навукова-практычным цэнтры НАН Беларусі па земляробстве (з 1985; з 2007 — загадчык аддзела навукова-тэхнічнай інфармацыі, з 2016 — вядучы навуковы супрацоўнік аддзела генетычных рэсурсаў раслін).
Навуковыя інтарэсы: тэхналогія вырошчвання збожжавых культур.