.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Мікалай Загвоздзін (нар. 31 жніўня 1991, Калінкавічы) — беларускі футбаліст, паўабаронца гомельскага «Лакаматыва».
Выхаванец калінкавіцкага футбола, аднак яшчэ ва ўзросце 14 гадоў перайшоў у мінскае «Дынама». Кар’еру пачынаў у дублі мінскай каманды, але, не здолеўшы прабіцца ў асноўны склад, выступаў на правах арэнды ў «Бярозе-2010», светлагорскім «Хіміку» і «Дынама-2». У 2013 годзе перайшоў у статусе свабоднага агента ў «Гарадзею».
З 2014 па 2016 год выступаў за «Гомельчыгунтранс», стаўшы адным з лідараў каманды. У другой палове сезона 2016 перайшоў у мікашэвіцкі «Граніт»[2], але не здолеў з камандай захаваць месца ў Вышэйшай лізе. У лютым 2017 года падпісаў кантракт з «Лідай»[3], які пакінуў у ліпені 2017 года[4]. Са жніўня 2017 года выступаў за гомельскі «Лакаматыў»[5].
У жніўні 2019 года пакінуў гомельскі клуб[6] і неўзабаве папоўніў склад рэчыцкага «Спадарожніка»[7]. Здолеў замацавацца ў стартавым складзе рэчыцкага клуба. У студзені 2020 года стала вядома, што паўабаронца застаецца ў «Спадарожніку» ў сезоне 2020[8]. Чаргаваў выхады ў стартавым складзе і на замену, дапамог рэчыцкай камандзе перамагчы ў Першай лізе.
У пачатку 2021 года пачынаў рыхтавацца да новага сезона са «Спадарожнікам», але ў лютым пакінуў каманду[9] і хутка далучыўся да петрыкаўскага «Шахцёра», з якім неўзабаве падпісаў кантракт[10]. Замацаваўся ў аснове петрыкаўскай каманды. У снежні 2021 года пакінуў «Шахцёр»[11].
У сакавіку 2022 года стаў іграком гомельскага «Лакаматыва»[12].
Загвоздзін выступаў за юнацкую зборную (да 19) на мемарыяле Гранаткіна ў 2009 годзе, правёўшы за зборную 4 матчы.
Сезон | Дывізіён | Клуб | Краіна | Матчы | Галы |
---|---|---|---|---|---|
2008 | дубль | Дынама | 20 | 1 | |
2009 | дубль | Дынама | 15 | 0 | |
2010 | Д3 | Бяроза-2010 | 33 | 2 | |
2011 (1) | Д3 | Бяроза-2010 | 12 | 0 | |
2011 (2) | Д2 | Хімік | 12 | 1 | |
2012 | Д3 | Дынама-2 | 33 | 9 | |
2013 | Д2 | Гарадзея | 8 | 1 | |
2014 | Д2 | Гомельчыгунтранс | 28 | 5 | |
2015 | Д2 | Гомельчыгунтранс | 21 | 0 | |
2016 (1) | Д2 | Гомельчыгунтранс | 12 | 2 | |
2016 (2) | Д1 | Граніт | 14 | 1 | |
2017 (1) | Д2 | Ліда | 14 | 1 | |
2017 (2) | Д2 | Лакаматыў | 14 | 1 | |
2018 | Д2 | Лакаматыў | 28 | 4 | |
2019 (1) | Д2 | Лакаматыў | 12 | 2 | |
2019 (2) | Д2 | Спадарожнік | 14 | 6 | |
2020 | Д2 | Спадарожнік | 20 | 2 | |
2021 | Д2 | Шахцёр | 28 | 3 | |