wd wp Пошук: ⬜

ФК Шахцёр Петрыкаў

«Шахцёр» — беларускі футбольны клуб з Петрыкава, заснаваны ў 2020 годзе. У цяперашні час выступае ў Першай лізе чэмпіянату Беларусі.

Гісторыя

У снежні 2019 года стала вядома, што салігорскі «Шахцёр» плануе заявіць даччыную каманду ў Другую лігу[1]. У студзені 2020 года галоўным трэнерам новай каманды стаў Сяргей Нікіфарэнка, які раней працаваў у структуры салігорскага клуба[2]. Склад фарм-клуба ўтварылі ў асноўным былыя рэзервісты салігорскага «Шахцёра», таксама былі запрошаны і іншыя вопытныя ігракі. Некаторы час каманда рыхтавалася да новага сезона ў Салігорску, а ў сакавіку 2020 года быў адкрыты новы стадыён «Прыпяць» у Петрыкаве[3], які і стаў хатнім.

«Шахцёр» адразу стаў адным з фаварытаў Другой лігі. Скончыўшы першую частку Другой лігі 2020 на другім месцы пасля магілёўскага «Дняпра», «Шахцёр» упэўнена прайшоў фінальную частку і заняў другое выніковае месца, якое дазволіла выйсці ў Першую лігу. У сезоне 2021 у Першай лізе петрыкаўскі «Шахцёр» заставаўся фарм-клубам салігорскага, аднак камплектаваўся не толькі салігорскімі, але і іншымі, пераважна маладымі ігракамі. Каманда нестабільна правяла сезон, чаргуючы паспяховыя адрэзкі з правальнымі, у выніку фінішавала ў сярэдзіне, на 7-м месцы з 12.

У сезоне 2022 «Шахцёр» хутка апынуўся сярод лідараў турніру, значны час ішоў на першым месцы. Каманда ўпэўнена змагалася з аўтсайдарамі, дзе нярэдка перамагала з разгромным лікам, аднак матчы з асноўнымі канкурэнтамі атрымоўваліся горш. У верасні 2022 года АБФФ афіцыйна паведаміла, што «Шахцёр» як фарм-клуб не мае права падняцца ў Вышэйшую лігу[4], пасля чаго петрыкаўская каманда прапусціла наперад асноўных канкурэнтаў і фінішавала на трэцім месцы.

Цяперашні склад

Станам на верасень 2022 года[5].

№ Пазіцыя Імя Год нараджэння 1 Бр Ігнат Дастанка 1994 22 Бр Ігар Малашчыцкі 2002 39 Бр Павел Шчарбачэня 1996 4 Аб Андрэй Макаранка 2002 17 Аб Уладзімір Старасцін 1999 23 Аб Кірыл Янкоўскі 1999 67 Аб Ілья Свірыдзенка 2002 77 Аб Дзмітрый Шуляк 2002 3 ПА Андрэй Кабышаў 2003 5 ПА Ягор Лапун 1999 8 ПА Макар Ліцкевіч 2002 9 ПА Саідхаджа Мухамадшарыфі 1998 10 ПА Максім Кавалевіч 2002

№ Пазіцыя Імя Год нараджэння 12 ПА Уладзіслаў Сырыська 1997 25 ПА Вадзім Курловіч 1992 71 ПА Міхаіл Шыбун 1996 88 ПА Дзяніс Кавалевіч 2003 89 ПА Уладзіслаў Кабышаў 2001 99 ПА Іван Зянькоў 2003 ПА Вадзім Марцінкевіч 2004 ПА Іван Юрын 1998 11 Нап Яўген Козел 2001 14 Нап Арсеній Ачапоўскі 2002 35 Нап Віталь Ганіч 1993 87 Нап Данііл Куцапалаў 1998 92 Нап Ігар Моніч 2000

Трэнерскі штаб

• Станіслаў Сувораў (нар. 1993) — галоўны трэнер
• Аляксандр Гардзейчык (нар. 1992) — трэнер
• Павел Цвірко (нар. 1997) — трэнер
• Арцём Саматошанка (нар. 1991) — трэнер брамнікаў

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
2020	Другая — Б (Д3)	2	20	16	1	3	80–16	49		Выхад у фінальны этап
	Фінальны этап (Д3)	2	10[upper-alpha 1]	6	1	3	24–10	19		Выхад у Першую лігу
2021	Першая (Д2)	7	33	13	7	13	50–56	46
2022	Першая (Д2)	3	24	13	6	5	69–20	45

1. ↑ Улічваючы 4 гульні, перанесеныя з 1-га раўнда. Паказчыкі ўласна ў фінальным этапе: 6 матчаў, 5—1—0, розніца мячоў 18—4.

Галоўныя трэнеры

• Сяргей Нікіфарэнка (студзень 2020 — студзень 2022)
• Станіслаў Сувораў (са студзеня 2022)

Зноскі

1. ↑ “Шахтер” делегирует во вторую лигу дочернюю команду из Петрикова
2. ↑ Никифоренко возглавил петриковский “Шахтер”
3. ↑ В Петрикове открыли стадион для “Шахтера-2” (ФОТО)
4. ↑ Ротация между высшей и первой лигами пройдет без “Шахтера” из Петрикова
5. ↑ От “Сморгони” и “Волны” до “Осиповичей” и “Молодечно”. Заявки команд первой лиги

Спасылкі

• Профіль на сайце globalsportsarchive.com (англ.)

Тэмы гэтай старонкі (6):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·2020 год у Беларусі
Катэгорыя·ФК Шахцёр Петрыкаў
Катэгорыя·Футбольныя клубы Беларусі
Катэгорыя·Футбольныя клубы паводле алфавіта
Катэгорыя·Футбольныя клубы, заснаваныя ў 2020 годзе