Шалфе́й[4][5], са́львія[6][5] (Salvia) — буйны род кветкавых травяністых раслін і хмызнякоў сямейства Ясноткавыя (Lamiaceae). Прадстаўнікі роду распаўсюджаныя ва ўсіх частках Старога і Новага Свету.
Salvia officinalis — тыпавы від роду Шалфей. Батанічная ілюстрацыя з кнігі «Köhler’s Medizinal-Pflanzen», 1887 |
Шматгадовыя расліны вышынёй 20—130[5] см. Лісце простае ці перыстае.
Чашачка званочкавая, трубчаста-званочкавая, канічная або трубчастая, падчас плоданашэння не зменлівая або трохі павялічваецца; верхняя губа трохзубкавая. Вяночак заўсёды двухгубы; верхняя губа шлемападобная, серпападобная або прамая; сярэдняя лопасць ніжняй губы значна буйней бакавых, вельмі рэдка роўная бакавым. Тычынак дзве; слупок ніткападобны; лычык двухлопасцевы.
Арэшкі яйкападобныя, круглявыя або часам амаль трохграневыя, гладкія.
Лекавыя, эфіраалейныя, меданосныя і дэкаратыўныя расліны[5].
Асноўны артыкул: Віды роду Шалфей Класіфікацыя відаў шалфея была вельмі заблытанай на працягу многіх гадоў. Налічвалася болей за 2000 таксонаў шалфею. У цяперашні час гэты лік быў скарочаны да 700—900 відаў і падвідаў[7]. Паводле базы даных The Plant List (2013), род уключае 986 відаў[8].
Некаторыя віды: