Рака Святога Лаўрэнція
Рака Святога Лаўрэнція (фр.: fleuve Saint-Laurent, англ.: Saint Lawrence River) — рака ў Паўночнай Амерыцы, якая працякае па тэрыторыі ЗША і Канады і злучае Вялікія азёры з Атлантычным акіянам. Даўжыня 3350 км.[1]
Вадазбор 1290 тыс. км². Сярэднегадавы расход вады ў вусці 14 тыс. м³/сек.
Гісторыка-культурнае значэнне
Рака носіць назву, дадзеную ёй Жакам Карцье. Акрамя ракі, гэтую ж назву атрымаў таксама заліў, у які яна ўпадае. Пасля падарожжаў Шамплена даліна ракі Св. Лаўрэнція стала цэнтрам французскай каланізацыі рэгіёна: тут сфарміравалася частка тэрыторыі Новай Францыі — правінцыя Квебек з гарадамі Манрэаль, Квебек, Леві і Труа-Рыўер. Пад час Сямігадовай вайны гэтыя землі былі захоплены брытанцамі. Нягледзячы на гэта, рэгіён працягвае быць цэнтрам французскай мовы і культуры ў Паўночнай Амерыцы. Рака стала першым прасторным шляхам для гандляроў пушнінай і каланістаў, а ў наш час для вялікіх акіянскіх грузавых судоў.
Флора і фаўна
На рацэ можна сустрэць бялух, фінвалаў і блакітных кітоў. Спалучэнне раслін, жывёл і птушак, якія жывуць па берагах ракі, адно з найбольш стракатых на зямлі. У рацэ водзяцца сотні відаў рыб, больш 20 відаў земнаводных і паўзуноў, а таксама 12 відаў водных сысуноў. На балотах і ўздоўж берагоў гняздуюцца каля 300 відаў птушак.
Гаспадарчае значэнне
Басейн ракі — адзін з самых густанаселеных і асвоеных у Канадзе. Тут развіты як сельская гаспадарка (мяса-малочная жывёлагадоўля, вырошчванне пшаніцы), так і прамысловасць. У басейне ракі пражывае каля 20 мільёнаў чалавек, у тым ліку каля 4 мільёнаў — у горадзе Манрэаль.
Прытокі
- Злева: Рака Атава
Зноскі
Літаратура
- Святога Лаўрэнція рака // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 279. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.
Спасылкі
- Regional Geography of the St. Lawrence River (англ.)
- Information about Juniper Island (Ontario) Архівавана 25 снежня 2009. (англ.)
- Остров Святого Лаврентия (руск.) // Праект «Планета Земля» Geosfera.Org
Вікіпедыя:Артыкулы з пераазначэннем значэння з Вікідадзеных
Рэкі штата Нью-Ёрк
Рэкі Антарыа
Вікіпедыя:Спасылкі на Беларускую энцыклапедыю з назвай артыкула
Рака Святога Лаўрэнція
Рэкі, якія ўпадаюць у Атлантычны акіян
Вікіпедыя:Спасылкі на Беларускую энцыклапедыю з нумарамі старонак
Памежныя рэкі
Рэкі Квебека
Рэкі паводле алфавіта
Вікіпедыя:Спасылкі на Беларускую энцыклапедыю без аўтара