wd wp Пошук: ⬜

Сямігадовая вайна

Сямігадовая вайна (1756-1763) — буйны ваенны канфлікт XVIII стагоддзя, адзін з самых маштабных канфліктаў Новага часу. Сямігадовая вайна ішла як у Еўропе, так і за акіянам: у Паўночнай Амерыцы, у краінах Карыбскага басейна, Індыі, на Філіпінах. У вайне прынялі ўдзел усе еўрапейскія вялікія дзяржавы таго часу, а таксама большасць сярэдніх і дробных дзяржаў Еўропы, некаторыя індзейскія плямёны. Уінстанам Чэрчылем вайна нават была названа «першай сусветнай вайной». Вайну лічаць каланіяльнай, бо ў ёй сутыкнуліся каланіяльныя інтарэсы Вялікабрытаніі, Францыі і Іспаніі, а таксама першай акопнай — з-за прымянення ў вайне вялікай колькасці рэдутаў і іншых хуткаўзведзеных умацаванняў — і першай артылерыйскай вайной: колькасць гармат у ёй з 1756 - 2 на 1000 штыкоў, з 1759 года — 3-4 гарматы на 1000 штыкоў і 5-6 гармат у 1761 годзе.

Асноўнае супрацьстаянне ў Еўропе адбывалася паміж Аўстрыяй і Прусіяй з-за Сілезіі, страчанай Аўстрыяй у папярэдніх Сілезскага войнах. Таму Сямігадовую вайну называюць таксама трэцяй Сілезскай вайной. Першая (1740-1742) і другая (1744-1748) Сілезскія войны з’яўляюцца складовай часткай вайны за аўстрыйскую спадчыну. У шведскай гістарыяграфіі вайна вядомая як Памеранская вайна (швед. Pommerska kriget), у Канадзе - як «заваявальная вайна» (анг.: The War of the Conquest) і ў Індыі як “Трэцяя Карнацкая вайна” (анг.: The Third Carnatic War). Паўночнаамерыканскі тэатр вайны называюць франка-індзейскай вайной.

Пазначэнне «сямігадовая» вайна атрымала ў 80-х гадах XVIII стагоддзя, да таго пра яе казалі як пра «нядаўнюю вайну».

Гл. таксама

• Сусветная вайна
• Англа-іспанская вайна, 1761—1763
• Вайна за аўстрыйскую спадчыну
• Вайна за незалежнасць ЗША

Зноскі

1. ↑ У 1757—1761 гадах Расія ўдзельнічала ў вайне на боку антыпрускай кааліцыі, у 1762 годзе — на боку Прусіі. У тым жа 1762 годзе Расія выйшла з вайны. З гэтым акалічнасцю звязана разыходжанне ў датах, у той час, як у заходняй гістарыяграфіі прынята лічыць, што Сямігадовая вайна працягвалася з 1756 па 1762 год, у большасці расійскіх сачыненняў указваюцца іншыя даты, а менавіта 1756—1761.
2. ↑ Європейський гетьман. tyzhden.ua. 12 березня, 2010

Спасылкі

• На Вікісховішчы ёсць медыяфайлы па тэме Сямігадовая вайна
• Seven Years War (1755-63) (англ.)

Гэты артыкул ці раздзел патрабуе перапрацоўкі. Калі ласка, палепшыце артыкул у адпаведнасці з правіламі напісання артыкулаў.

Тэмы гэтай старонкі (6):
Сямігадовая вайна
Прусія
Артыкулы да фарматавання
Вікіпедыя:Артыкулы з пераазначэннем значэння з Вікідадзеных
Брытанска-французскія адносіны
Гісторыя Германіі