wd wp Пошук: ⬜

Палікарп Ётэйка

У Вікіпедыі ёсць артыкулы пра іншых асоб з прозвішчам Ётэйка. Палікарп Ётэйка[2] (Ютэйка) (польск.: Polikarp Joteyko, літ.: Polikarpas Joteika; 1796, Шавельскі павет [3] — каля 1850) — мастак, чыя творчасць цесна звязана з мастацкім жыццём Літвы і Беларусі. Брат мастака Яна Ётэйкі [3].

Біяграфія

У 1819—1828 гадах вучыўся малюнку і жывапісу ў Віленскім універсітэце пры школе Я. Рустэма ў Віленскай мастацкай школе [2], а таксама скульптуры і сусветнай гісторыі. У 1820 і 1822 гадах разам са студэнтамі ўніверсітэта прымаў удзел у мастацкіх выстаўках, дзе прадстаўляў копіі карцін Рафаэля і Фабра. У 1829 стаў кандыдатам мастацтва. Масон.

У 1841—1847 выкладаў малюнак у Свіслацкай гімназіі, з 1847 — у Мінскай мужчынскай гімназіі [4][5]. Паводле некаторых звестак, таксама выкладаў у Слуцкай і Нясвіжскай гімназіях [3]

Дакладная дата смерці невядомая[3].

Творчасць

Стварыў партрэты Вінцэнта Гецольда — адміністрацыйнага сакратара Віленскага ўніверсітэта, Н. Юргелевіча (абодва ў 1827), Томаша Жыцкага(руск.) бел. — прафесара алгебры Віленскага ўніверсітэта, Яна Рудаміны — выкладчыка Віленскага ўніверсітэта, Восіпа Кавалеўскага — польскага гісторыка і арыенталіста, і іншых. Яго працам уласцівы лірызм і рамантычныя рысы, яркая каляровая палітра, дакладнае мадэляванне формаў і псіхалагічных характарыстык асоб[6].

Творы захоўваюцца ў Літоўскім мастацкім музеі(руск.) бел..

Партрэт Вінцэнта Гецольда
Партрэт Яна Рудаміны
Партрэт Томаша Жыцкага
Партрэт Восіпа Кавалеўскага

Зноскі

1 2 (unspecified title) Праверана 30 снежня 2021.
1 2 Лазука Б.А. Беларуская архітэктура XIX - пачатку XX стагоддзя // Гісторыя сусветнага мастацтва. Рускае і беларускае мастацтва XIX - пачатку XX стагоддзя. — Беларусь, 2011. — С. 356-357. — 430 с. — ISBN 978-985-01-0880-7.
1 2 3 4 Polikarpas Joteika(недаступная спасылка) (літ.)
↑ Н. Усава. Пецярбургская Акадэмія мастацтваў і фарміраванне мастацкага асяроддзя на Беларусі ў другой палове ХIХ i пачатку ХХ ст.
↑ Шматаў В. Ф. Язэп Драздовіч і праблемы станаўлення беларускай мастацкай школы. С. 5.
↑ Vladas Gasiūnas(літ.) бел.. Polikarpas Joteika. Visuotinė lietuvių enciklopedija(руск.) бел., T. VIII (Imhof-Junusas). – Vilnius: Mokslo ir enciklopedijų leidybos institutas, 2005. 737 psl.

Літаратура

Visuotinė lietuvių enciklopedija, Vilnius: Mokslo ir enciklopedijų leidybos institutas, 2005, t. 8.

Спасылкі

На Вікісховішчы ёсць медыяфайлы па тэме Палікарп Ётэйка
Polikarpas Joteika (літ.)