У Вікіпедыі ёсць артыкулы пра іншых асоб з прозвішчам Лазука. Барыс Андрэевіч Лазу́ка (27 ліпеня 1955, в. Рэпеншчына, Браслаўскі раён, Віцебская вобласць) — беларускі мастацтвазнавец, педагог. Кандыдат мастацтвазнаўства (1989).
Скончыў Віцебскі педагагічны інстытут (1977), працаваў у ім. 3 1996 у Міністэрстве культуры Рэспублікі Беларусь, з 1998 прарэктар і загадчык кафедры Беларускай акадэміі мастацтваў. Загадчык аддзела старажытнай беларускай культуры Інстытута мастацтвазнаўства, этнаграфіі і фальклору НАН Беларусі, дырэктар Музея старажытнабеларускай культуры.
Даследуе беларускае мастацтва XVII—XVIII ст., тэарэтычныя праблемы стылю барока. Аўтар вучэбнага дапаможкіка «Гісторыя мастацтваў» (1996).