wd wp Пошук: ⬜

Куршскі заліў

.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}

Ку́ршскі залі́ў (руск.: Куршский залив, літ.: Kuršių marios) — заліў-лагуна Балтыйскага мора плошчай 1610 км²[1]. Аддзелена ад мора Куршскай касой. Праліў, які злучае заліў з морам, размешчаны каля літоўскага горада Клайпеда. Акваторыя заліва падзелена паміж Літвой і Калінінградскай вобласцю Расіі. Большая частка акваторыі (1,2 тыс. км² з 1,6 тыс. км²) адносіцца да Расіі, 415 км² паўночнай часткі заліва належаць Літве. Аб’ём заліва — 6,2 км³. Заліў вельмі мелкаводны — сярэдняя яго глыбіня роўная 3,7 м. Найбольш вузкая і мелкаводная частка заліва — паўночная, дзе глыбіні не перавышаюць 2 м. На поўдзень ад лініі вусце Нёмана — Ніда размешчана большая частка заліва з глыбінёй звыш 4 м. Самым глыбокім з’яўляецца ўчастак на паўднёвы ўсход ад пасёлка Рыбачы, дзе адзначаны глыбіні 5,5-6,0 м.

У заліў упадае шмат рэк, найбуйнейшая з іх — Нёман. Агульны гадавы сцёк рэк у заліў складае 25,1 км³, з іх на Нёман прыпадае 21,0 км³. З ападкамі заліў штогод атрымлівае 1,0 км³, з выпарэннем губляе 0,5 км³. Такім чынам, штогод аб’ём вады, якую атрымлівае заліў, перавышае яго ўласны аб’ём у чатыры разы, а ўзровень заліва перавышае ўзровень мора на 12-15 см. Розніца аб’ёму вады праз праліў выцякае ў мора. Таму вада ў заліве практычна прэсная (салёнасць вады не перавышае 8 праміле).

Берагі заліва (акрамя Куршскай касы) нізінныя, у Слаўскім раёне Калінінградскай вобласці берагі размешчаны ніжэй за ўзровень заліва і адгароджаны ад яго дамбамі, утварачы польдары.

Заліў багаты на рыбу. У склад іхтыяфауны заліва ўваходзяць 53 віды рыб з 18 сямействаў. Можна вылучыць чатыры экалагічныя групы прамысловых відаў рыбападобных і рыб: прахадныя (мінога рачная, мінога марская, балтыйскі асетр, фінта, ласось, кумжа, сіг, корушка, рыбец, вугор), агульнапрэснаводныя (сняток, шчупак, лешч, верхаводка, жэрах, гусцяра, карась сярэбраны, карась залаты, сазан, язь, плотка, чырвонапёрка, лінь, сом, мянтуз, ёрш, акунь, судак), марскія (шпрот, траска, камбала рачная), рачныя (галавень, падуст, вусач).[2][3]

Вялікая колькасць (140 тыс. асобін) вадаплаўных птушак: розныя віды гусяў, качак і лысух, паляванне на якіх асабліва папулярнае ў Калінінградскай вобласці. Штогод адстрэльваецца да 40 тыс. асобін.

Зноскі

↑ Куршский залив; БСЭ Архівавана 17 верасня 2012.
↑ Осадчий В. М. Регулирование рыболовства и стратегия использования рыбных ресурсов в Куршском заливе: Автореф. дисс. на соиск.учен.степ.канд.биол.наук. — Калининград, 2000. — 24 с.
↑ Кёнигсберг-Калининград, 1255—2005: иллюстрированный энциклопедический справочник / ред. А. С. Пржездомский. — Калининград: Янтарный сказ, 2006. — 800 с. — С. 74. — ISBN 5-7406-0840-5 (памылк.)

Літаратура

Фёдоров Г. М. У карты Калининградской области. Калининградское книжное издательство, 1986.

Спасылкі

На Вікісховішчы ёсць медыяфайлы па тэме Куршскі заліў