Зілаі́рскі раён (руск.: Зилаирский район; башк.: Йылайыр районы) — адміністрацыйна-тэрытарыяльная адзінка на поўдні Башкартастана ў Расіі. Адміністрацыйным цэнтрам з’яўляецца сяло Зілаір.
Зілаірскі раён мяжуе з Баймацкім, Хайбулінскім, Зіянчурынскім, Кугарчынскім і Бурзянскім раёнамі. Плошча раёна складае 5773,99 км².
Зілаірскі раён быў утвораны 20 жніўня 1930 года ў адпаведнасці з пастановай УЦВК.
Насельніцтва раёна станам на 2017 год складала 14923 чалавек. Паводле перапісу 2010 года большасць складаюць башкіры (56,5 %), далей ідуць рускія (36,2 %), татары (3,2 %) і чувашы (2,8 %).