Бурзя́нскі раён (руск.: Бурзянский район; башк.: Бөрйән районы) — адміністрацыйна-тэрытарыяльная адзінка на поўдні Башкартастана ў Расіі. Адміністрацыйным цэнтрам з’яўляецца сяло Старасубхангулава.
Бурзянскі раён мяжуе з Абзялілаўскім, Баймацкім, Зілаірскім, Кугарчынскім, Меляузаўскім, Ішымбайскім і Беларэцкім раёнамі. Плошча раёна складае 4442 км².
Бурзянскі раён быў утвораны 20 жніўня 1930 года ў адпаведнасці з пастановай УЦВК.
Насельніцтва раёна станам на 2017 год складала 16559 чалавек. Паводле перапісу 2010 года большасць складаюць башкіры (96,2 %), далей ідуць рускія (2,1 %) і татары (1,3 %).