Ха́йбулінскі раён (руск.: Хайбуллинский район; башк.: Хәйбулла районы) — адміністрацыйна-тэрытарыяльная адзінка на поўдні Башкартастана ў Расіі. Адміністрацыйным цэнтрам з’яўляецца сяло Ак’яр.
Хайбулінскі раён мяжуе з Зіянчурынскім, Зілаірскім і Баймацкім раёнамі, а таксама з Арэнбургскай вобласцю. Плошча раёна складае 3911,66 км².
Хайбулінскі раён быў утвораны 20 жніўня 1930 года ў адпаведнасці з пастановай УЦВК.
Насельніцтва раёна станам на 2017 год складала 31112 чалавекі. Паводле перапісу 2010 года большасць складаюць башкіры (77,6 %), далей ідуць рускія (17,8 %).