wd wp Пошук: ⬜

Габар Пінтэр

Га́бар Пі́нтэр (венг.: Gábor Pintér; нар. 9 сакавіка 1964, Кунсентмартан, Венгрыя) — каталіцкі царкоўны дзеяч, у 2016—2019 гадах быў Апостальскім нунцыем у Беларусі.

Біяграфія

Нарадзіўся 9 сакавіка 1964 года ў невялікім мястэчку Кунсентмартан у Венгрыі.

На святара быў пасвечаны 11 чэрвеня 1988 года ў Вацкай дыяцэзіі(руск.) бел. (Венгрыя). Атрымаў ступень доктара тэалогіі.

З 1 ліпеня 1996 года на дыпламатычнай службе Святога Прастола. Працаваў у Гаіці, Балівіі, краінах Скандынавіі, Францыі, на Філіпінах і ў Аўстрыі (быў дарадцам Апостальскай нунцыятуры ў Вене).

13 мая 2016 Папа Рымскі Францішак прызначыў Габара Пінтэра Апостальскім нунцыем у Беларусі. Адначасова з Папа надаў яму годнасць тытулярнага архібіскупа Велбужда. Тытулярная каталіцкая архіепархія ў Велбуждзе (Dioecesis Velebusdiensis) існавала ў сярэднявеччы на тэрыторыі сучаснай Балгарыі [2].

12 лістапада 2019 года Папа Францішак прызначыў Габара Пінтэра Апостальскім Нунцыем у Гандурасе[3].

Папярэднік:
архібіскуп Клаўдзіа Гуджэроці

Апостальскі нунцый у Беларусі
13 мая 2016 — 12 лістапада 2019

Пераемнік:
архібіскуп Антэ Ёзіч