wd wp Пошук:
    ⬜

    XI Рэспубліканскі фестываль нацыянальных культур

    XI Рэспубліка́нскі фестыва́ль нацыяна́льных культу́р адбыўся 4 і 5 чэрвеня 2016 года ў Гродне, Беларусь[1].

    Удзельнікі

    Пад кіраўніцтвам намесніка прэм’ер-міністра Наталлі Качанавай адбылося пасяджэнне аргкамітэта па правядзенні фестываля, які абвясціў даты і ўмовы правядзення. Перад гэтым прайшлі адборы — абласныя і ў Мінску. У фестывалі прынялі ўдзел прадстаўнікі каля 40 нацыянальнасцяў, арганізавана 22 нацыянальных падворка. Фестываль сабраў каля 800 артыстаў, якія прадстаўлялі 37 народаў свету, у тым ліку выхадцаў з Сірыі, Нігерыі, Шры-Ланкі, ЗША. На два дні гістарычны цэнтр Гродна ператварыўся ў маштабную арт-пляцоўку, дзе разгарнуліся нацыянальныя падворкі, майстэрні мастакоў-партрэтыстаў, фотазоны, fashion-шоу з дэманстрацыяй народнага адзення, танцавальныя майстар-класы і спартыўны турнір, які азнаёміў гасцей з традыцыйнымі гульнямі народаў свету ад кідання валёнка да амерыканскага футбола.[2][3]

    Мерапрыемствы

    Адбылося адкрыццё музея фестывалю ў сярэдняй школе № 8 горада Гродна. Адкрыццё скульптуры-сімвала фігуры ладдзі на беразе Нёмана, непадалёк ад Старога і Новага замкаў.

    Меркаванні

    " Мы разам упрыгожылі горад, каб сустрэць гасцей фестывалю — нашых старых сяброў і новыя дэлегацыі. Дзякую ўсім жыхарам Гродна, якія адгукнуліся на просьбы аб добраўпарадкаванні балконаў, пасадцы кветак. Усе ўдзельнікі фэсту вельмі добра адпачылі, атрымалі задавальненне і ад фестывальнай праграмы, і проста ад сустрэчы з нашым горадам. Я рады, што мы на вельмі высокім узроўні падрыхтавалі свята і прынялі гасцей. Для мяне ж фэст стаў пэўнага кшталту экзаменам, бо яго арганізацыяй я займаюся ўпершыню. І ўсмешлівыя твары людзей на вуліцах горада — найлепшая адзнака, паказчык таго, што свята прайшло добра. Вельмі добрыя водгукі я атрымаў і ад рамеснікаў, яны нават скардзіліся, што часам не хапала вырабаў для продажу. Значыць, у наведвальнікаў фэсту ёсць вялікая цікавасць і да народных рамёстваў.
    старшыня Гродзенскага гарвыканкама Мечыслаў Гой
    		 "

    Галерэя

    XI Рэспубліканскі фестываль нацыянальных культур

    Упрыгожванне Гродна сімволікай фестывалю (парк Жылібера, 4 чэрвеня).

    Скульптура, адкрыццё якой адбылося ў рамках фестывалю (Стары замак, 5 чэрвеня).
    Цыганскі фестывальны падворак.

    Зноскі

    1. ↑ XI Рэспубліканскі фестываль нацыянальных культур пройдзе ў Гродне 4—5 чэрвеня (нявызн.). Беларускае тэлеграфнае агенцтва (02 ЛЮТАГА 2016, 12:56). Праверана 10 кастрычніка 2021.
    2. ↑ XI Рэспубліканскі фестываль нацыянальных культур у Гродне (бел.) , Belarus.by (6 Чэр 2016). Праверана 10 кастрычніка 2021. Архівавана 10 лістапада 2019.
    3. ↑ XI Рэспубліканскі фестываль нацыянальных культур пройдзе ў Гродне 4—5 чэрвеня (бел.) , Belarus.by (2 Лют 2016). Праверана 10 кастрычніка 2021. Архівавана 10 лістапада 2019.

    Спасылкі

    Тэмы гэтай старонкі (7):
    Катэгорыя·Фестывалі паводле алфавіта
    Катэгорыя·Вікіпедыя·Шаблон «Вонкавыя спасылкі» пусты
    Катэгорыя·Рэспубліканскі фестываль нацыянальных культур
    Катэгорыя·2016 год у Гродне
    Катэгорыя·Старонкі з няправільным сінтаксісам спасылак на крыніцы
    Катэгорыя·Музычныя фестывалі паводле алфавіта
    Катэгорыя·Чэрвень 2016 года