Acta Baltico-Slavica (бел.: Балта-славянскія акты) — штогоднік Інстытута славістыкі Полькай акадэміі навук. Выходзіць з 1964 года. Станам на 2021 год выйшла 45 тамоў.
З 1964 да 1977 года выходзіў у Беластоку, як орган Беластоцкага навуковага таварыства. У 1977—1992 гадах выходзіў ва Уроцлаве пад грыфам Асалінеума, з 1992 года штогоднік выходзіць у Варшаве.
Пад рэдакцыяй Ежы Антаневіча штогоднік спецыялізаваўся па праблемах гісторыі, археалогіі, этнаграфіі і мовазнаўства, матэрыялы друкаваліся на польскай, рускай, англійскай, французскай мовах. Пры рэдактарстве Ірыды Грэк-Пабісавай штогоднік публікуе працы, прысвечаныя палітычным, сацыяльным, эканамічным, культурным і моўным адносінам паміж прыбалтыйскімі і славянскімі народамі ў мінулым і цяпер.