wd wp Пошук: ⬜

Асалінеум

Нацыянальны інстытут імя Асалінскіх (польск.: Zakład Narodowy im. Ossolińskich), або Асалінеум (польск.: Ossolineum) — навуковая і культурніцкая ўстанова Польшчы. Заснаваны ў 1817 годзе графам Юзафам Максімільянам Асалінскім у Львове ў памяшканні колішняга кляштара сёстраў ордэна кармелітак абутых.

Бібліятэка Асалінскіх налічвала кнігі з калекцыяў графаў Любамірскіх, Сапегаў, Скарбкаў(польск.) бел. і іншых прыватных збораў. У 1827 годзе на аснове бібліятэкі было створана польскае навукова-даследчае таварыства «Асалінеум», або «Інстытут Асалінскіх». У аўстра-венгерскі перыяд таварыства стала цэнтрам польскага навуковага жыцця падобна да ўкраінскага Навуковага таварыства імя Шаўчэнкі(укр.) бел.. Да 1939 года пры ім дзейнічалі таксама выдавецтва і музей імя Любамірскіх(польск.) бел..

Падчас савецкай акупацыі(укр.) бел. ў 1939 годзе Інстытут Асалінскіх быў зачынены. За нямецкай акупацыяй на аснове яго фондаў была створана Дзяржаўная бібліятэка Львова (ням.: Staatsbibliothek Lemberg), а частка калекцыі перавезеная ў Кракаў.

У 1947 годзе 30 % фондаў было перададзена Польскай народнай рэспубліцы. Зборы былі адкрыты для чытачоў ва Уроцлаве ў верасні таго ж года. Наўзамен у Львове заснавана Нацыянальная бібліятэка(укр.) бел. імя Васіля Стэфаніка.

Спасылкі

На Вікісховішчы ёсць медыяфайлы па тэме Асалінеум
Нацыянальны інстытут імя Асалінскіх Архівавана 30 красавіка 2011.
Выдавецтва Асалінеум
Як паўставаў львоўскі Асалінеум
Эвакуацыя польскіх збораў са Львова ў 1944 годзе.