wd wp Пошук: ⬜

1973 год у гісторыі беларускага выяўленчага мастацтва

1973 год быў адзначаны шэрагам падзей, якія пакінулі прыкметны след у гісторыі беларускага выяўленчага мастацтва.

Падзеі

.

• 24-й экспедыцыяй Дзяржаўнага мастацкага музея БССР былі знойдзены надпісы, размешчаныя на хорах касцёла Святога Станіслава ў Магілёве з датамі — 1752, 1765, якія сведчылі аб перабудове касцёла і размалёўцы яго мастаком Паўло Пятроўскім. Былі выяўлены 14 кампазіцый са Старога і Новага Запаветаў і гісторыі місіянерскай дзейнасці кармелітаў у Беларусі.
• 25-й экспедыцыяй Дзяржаўнага мастацкага музея БССР у вёсцы Воўпа Гродзенскай вобласці быў выяўлены алтар Касцёла Іаана Хрысціцеля, XVII ст. Перабудаваны ў XVIII—ХХ стст.
• Выстаўка твораў мастака Леаніда Шчамялёва, прысвечаная 50-годдзю з дня нараджэння. Уступны артыкул да каталога — Барыс Крэпак[1]
• Выстаўка твораў мастака Лазара Рана. Аўтар прадмовы да каталога — У. Бойка[1]
• Выстаўка твораў Г. А. Ісаевіч. Прадмова да каталога — Ф. Валадзько[1]
• Выстаўка твораў мастака Абрама Заборава (1973 ; Мінск)[2]

Ганаровыя званні

• Уладзімір Белавусаў атрымаў ганаровае званне Заслужанага дзеяча мастацтваў Беларусі
• Арлен Кашкурэвіч атрымаў ганаровае званне Народнага мастака Беларусі

З’явіліся

• 15 ліпеня — мемарыяльны комплекс «Дальва» на месцы былой вёскі ў Лагойскім раёне Мінскай вобласці, дзе 19 чэрвеня 1944 года нямецкія акупанты спалілі 44 жыхара. Аўтарам праекта стаў скульптар Уладзімір Церабун — вучань Андрэя Бембеля. Комплекс мае планіроўку былой вёскі Дальвы, ён ўключаны ў Дзяржаўны спіс гісторыка-культурных каштоўнасцей Рэспублікі Беларусь. Кампазіцыя мемарыяла складаецца з асобных элементаў, свабодна размешчаных у прасторы, і займае плошчу 5 гектараў
• Музей гісторыі і культуры горада Наваполацка

Нарадзіліся

• 25 верасня — Алена Шарыпа, беларускі мастак-жывапісец, дачка Пятра Шарыпы
• 24 кастрычніка — Аляксандр Некрашэвіч, сучасны беларускі мастак-жывапісец

Памерлі

• 26 мая — Жак Ліпшыц (нар. 1891), французскі скульптар, выхадзец з Гродзенскай губерні
• Рыгор Глюкман (нар. 1898), амерыканскі жывапісец і графік родам з Віцебску, належыў да Парыжскай школы жывапісу
• Віктар Сахненка (нар. 1923), беларускі мастак, муж Алесі Паслядовіч

Галерэя твораў

• Пётр Шарыпа «Партрэт жонкі». Палатно, алей, 93 х 71 см
• Пётр Шарыпа «Людміла». Палатно, алей, 105,5 х 66,5 см
• Барыс Аракчэеў. «Каўказ. Мора і горы». Кардон, алей. 55 х 39 см
• Анатоль Наліваеў «Вуліца Старавіленская»

Зноскі

1. 1 2 3 Зводны электронны каталог сістэмы карпаратыўнай каталагізацыі
2. ↑ Зводны электронны каталог сістэмы карпаратыўнай каталагізацыі

Тэмы гэтай старонкі (4):
Катэгорыя·Усе храналагічныя пералікі
Катэгорыя·1973 год у Беларусі
Катэгорыя·Гісторыя беларускага выяўленчага мастацтва паводле гадоў
Катэгорыя·1973 год у культуры і мастацтве