wd wp Пошук: ⬜

1927 год у гісторыі беларускага выяўленчага мастацтва

1927 год быў адзначаны шэрагам падзей, якія пакінулі прыкметны след у гісторыі беларускага выяўленчага мастацтва.

Падзеі

У Інбелкульце праведзена рэарганізацыя, у выніку якой на базе створанай у 1926 г. мастацкай секцыі ўтварыўся Інстытут беларускага мастацтва, з камісіямі па вывучэнню беларускага мастацтва, беларускай песні і музыкі, музеем беларускага мастацтва. Інстытут беларускага мастацтва ўзначаліў Язэп Дыла

Створана Усебеларускае аб’яднанне мастакоў, старшыней абраны Аляксандр Грубэ, сакратаром Міхась Станюта.
6 лістапада — II Усебеларуская мастацкая выстаўка: экспанавалася 377 твораў ад 61 мастака[1]
Красавік — выстаўка слуцкіх паясоў Беларускага дзяржаўнага музея
Выйшла кніга «З. І. Гарбавец. Гравюры на дрэве», Іван Фурман
Арон Касталянскі атрымаў пасаду сакратара Камісіі па вывучэнні мастацтва яўрэйскага сектара Інстытута беларускай культуры
Першы дзяржаўны заказ мастакам на тэму: «Чалавек за работай». Мэтай яго было набліжэнне выяўленчага мастацтва да прамысловасці і сельскай гаспадаркі. Большасць твораў было напісана пад час камандзіровак мастакоў на прадпрыемствы і ў вёску. Сярод твораў: «Работніцы» Міхаіла Эндэ, «Апрацоўка ільна» Міхася Філіповіча, «Дзіцячая калонія» Якава Кругера, «Бетоншчыкі» і «Студэнт» Міхася Станюты.