wd wp Пошук: ⬜

Пылюшнік светлы

Пылю́шнік вузкалісты[3][4] (Thalictrum lucidum) — від кветкавых раслін[4] сямейства Казяльцовыя (Ranunculaceae).

Назва

Пылюшнік вузкалісты, руцьвянка[5], балотная мятла, мядуніца, мядуніца лугавая, пажытнік, памошнік, расходнік, сузік, сузіц[6][7][8].

Апісанне

Шматгадовая трава 50—140 см (да 1,5 м[4]) вышынёй. Лісце чаргаванае, на чаранках, з прылісткамі. Сцябловых лісткоў 7—10. Ліставыя пласціны яйкападобныя, 2—4-пёрыстыя. Ліставыя сегменты ад эліптычных да даўгаватых (самае ніжняе лісце) або лінейных (верхняе лісце), звычайна цэлыя, часам 2—3-зубчастыя на кончыках, верхняя паверхня бліскучая, цёмна-зялёная, ніжняя — светла-зялёная, дробна-валасістая паралельна жылкам[9].

Суквецце выпрастана-разгалінаванае, досыць разрэджанае. Кветкі радыяльна сіметрычныя, бледна-жоўтыя, каля 1 см у папярочніку. Няма пялёсткаў. Чашалісцікаў 4—5, зеленавата-белыя, рана вянуць. Тычачак шмат, бледна-жоўтыя, 2—4 мм даўжынёй; пылавікі відавочна карацей. Некалькі песцікаў. Плод — 8—10-хрыбетная, бесчарашковая сямянка [9].

Расліна ядавітая[10].

Распаўсюджанне

Распаўсюджаны ў Еўропе і Заходняй Сібіры. Святлолюбівая расліна[10]. Мезафіт, гіграфіт, мезатроф, эўтроф [10]. Засяляе вільготныя і забалочаныя лугі, нізінныя балоты, берагі вадаёмаў, прыбярэжныя і пойменныя хмызнякі, абочыны дарог і чыгунак. Цвіце ў ліпені—жніўні [4].

Ва Украіне расце на вільготных і забалочаных лугах — у Карпатах, Палессі і лесастэпе звычайны; у стэпе рэдкі (гарады Дніпро, Мікалаеў).

Ахоўваецца на тэрыторыі Фінляндыі, шэрагу рэгіёнаў Расіі, Днепрапятроўскай вобласці Украіны[10].

Таксанамія

Сінонімы

Thalictrum angustifolium Jacq., 1762, nom. illeg.
Thalictrum angustifolium subsp. exaltatum (Gaudin) Шаблон:Bonnier, 1912
Thalictrum angustifolium subsp. mediterraneum (Jord.) Bonnier, 1912
Thalictrum bulgaricum Velen., 1891
Thalictrum exaltatum Gaudin, 1828
Thalictrum exaltatum subsp. mediterraneum (Jord.) Rouy & Foucaud, 1893
Thalictrum flavum subsp. exaltatum (Gaudin) Bonnier & Layens, 1909
Thalictrum flavum subsp. mediterraneum (Jord.) Nyman, 1878
Thalictrum mediterraneum Jord., 1860
Thalictrum morisonii subsp. mediterraneum (Jord.) P.W.Ball, 1962
Thalictrum peucedanifolium Griseb. & Schenk, 1852
Thalictrum simplex subsp. gallioides sensu auct.

Галерэя

Сцябло з лісцем
Кветка
Плады

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Киселевский А. И. Латино-русско-белорусский ботанический словарь. — Минск: «Наука и техника», 1967. — С. 129. — 160 с. — 2 350 экз. — у крыніцы пад назвай Thalictrum angustifolium
1 2 3 4 Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1985. — 599 с., іл. — 10 000 экз.
↑ Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. — Горы-Горки, 1927.
↑ Анненков Н.(руск.) бел. Ботанический словарь — Спб, 1878.
↑ Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. — Горы-Горкі, 1927.
↑ Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
1 2 luontoportti.com. (англ.)
1 2 3 4 Василисник блестящий: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

Кухарава Л. В. Пылюшнік // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1985. — 599 с., іл. — 10 000 экз. — С. 315.

Спасылкі

Василисник блестящий: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Thalictrum lucidum L. // ИАС «ООПТ России»(руск.)