wd wp Пошук: ⬜

Бялянка

У гэтага паняцця ёсць і іншыя значэнні, гл. Бялянка (значэнні).

Бяля́нка, ваўнянка белая (Lactarius pubescens) — шапкавы базідыяльны грыб з роду Млечнік (Lactarius) сямейства Сыраежкавыя (Russulaceae).

Апісанне

Вонкавым выглядам нагадвае сапраўдную ваўнянку. Пладовае цела грыба — шапка на ножцы. Шапка дыяметрам 4—6 см, крэмава-белаватая, пукатая ў маладых грыбоў, шырока-лейкападобная, з падагнутым уніз пушыстым краем у старых. Ножка цыліндрычная, часам звужаная ў нізе, даўжынёй 2—4 см і 1—2 см у дыяметры, гладкая, усярэдзіне пустая, белая або ружавата-крэмавая, часам з буравата-вохрыстымі плямамі. Мякаць тонкая, шчыльная, светлая, пад скуркай ружаватая, са слабым пахам герані. Млечны сок белы, не змяняе колер на паветры[1], едкі. Пласцінкі белыя, пазней — крэмава-ружаватыя. Споры амаль шарападобныя, амаль бясколерныя, са слабым крэмавым адценнем

Ядомы грыб. Спажываецца соленая (спачатку вымочваюць або вараць, каб не было гаркаты).

Экалогія і распаўсюджванне

Распаўсюджана ў Еўразіі і Паўночнай Амерыцы. Пашырана ў маладых вільготных бярозавых і мяшаных лясах, часта трапляецца ў забалочаных бярэзніках. Пладовыя целы з’яўляюцца групамі ў ліпені—верасні.

Зноскі

↑ Лесная энциклопедия: В 2-х т. / Гл. ред. Воробьёв Г. И.; Ред. кол.: Анушин Н. А., Атрохин В. Г., Виноградов В. Н. и др. — М.: Сов. энциклопедия, 1985. — Т. 1. — С. 67. — 563 с.(руск.)

Літаратура

Бялянка // Беларуская ССР: Кароткая энцыклапедыя. Т. 2. — Мн.: БелСЭ. 1979.
Бялянка // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 3: Беларусы — Варанец. — 511 с. — 10 000 экз. — ISBN 985-11-0068-4 (т. 3), ISBN 985-11-0035-8.
Природа Белоруссии: Популярная энциклопедия / Редкол.: И. П. Шамякин (гл. ред.) и др. — 2-е изд. — Мн.: БелСЭ, 1989. — С. 264. — 599 с. — 40 000 экз. — ISBN 5-85700-001-7.(руск.)
Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 149. — 192 с. — 60 000 экз.
Белянка // Лесная энциклопедия: В 2-х т. / Гл. ред. Воробьёв Г. И.; Ред. кол.: Анушин Н. А., Атрохин В. Г., Виноградов В. Н. и др. — М.: Сов. энциклопедия, 1985. — Т. 1. — С. 67. — 563 с.(руск.)

Спасылкі

Волнушка белая, или белянка, или белянка пушистая — Lactarius pubescens (Krombh.) Fr. // Экологический Центр «Экосистема»(руск.)