Сыраежкавыя (Russulaceae) — сямейства шапкавых базідыяльных грыбоў парадку агарыкавых.
Пладовыя целы добра развітыя, мякаць хрупкая. Шапка ўкрыта скуркай, гіменафор пласціністы. Споры бясколерныя, у масе белыя, жаўтавата-крэмавыя.
На тэрыторыі Беларусі 2 роды, 94 віды. Найбольш пашыраны сыраежка (Russula), валуй (Russula foetens), грузды, скрыпіца (Lactarius vellereus), ваўнянка (Lactarius torminosus), бялянка (Lactarius pubescens), рыжык (Lactarius deliciosus), гаркуха (Lactarius rufus), млечнік (Lactarius), падгруздак (Russula adusta)[1].
Ядомыя і лекавыя грыбы.