У Вікіпедыі ёсць артыкулы пра іншых асоб з прозвішчам Сяржаніна. Галіна Іванаўна Сяржа́ніна (17 кастрычніка 1930,Мінск — 22 мая 2008,Мінск) — вучоны, ў галіне мікалогіі, кандыдат біялагічных навук (1962).
Г. І. Сяржаніна нарадзілася ў Мінску, у сям’і біёлагаў[1]. У 1949[1] годзе скончыла школу, у 1954 годзе — біялагічны факультэт Беларускага дзяржаўнага ўніверсітэта. З 1956 года ў аспірантуры пры Інстытуце біялогіі АН БССР да В. Ф. Купрэвіча. У 1962 годзе абараніла кандыдацкую дысертацыю на тэму «Съедобные и ядовитые грибы БССР порядка Agaricales и их хозяйственное значение»[1]. З 1959 г. працавала ў Інстытуце эксперыментальнай батанікі АН БССР старэйшым навуковым супрацоўнікам, выконваючым абавязкі загадчыка лабараторыі, з 1966 года — старэйшы навуковы супрацоўнік лабараторыі сістэматыкі ніжэйшых раслін.
У 1988 годзе Г. І. Сяржаніна выйшла на пенсію[1].
Г. І. Сяржаніна займалася даследаваннямі відавога складу, пашырэння, біялагічных асаблівасцей шапкавых грыбоў. Её належаць працы па флоры, сістэматыцы, экалогіі і цэналогіі вышэйшых грыбоў. Апублікавала больш за 180 навуковых прац, у тым ліку 15 навуковых і навукова-папулярных кніг.
Вынікі даследаванняў Г. І. Сяржанінай таксама захоўваюцца ў мікалагічным гербарыі Інстытута эксперыментальнай батанікі імя В. Ф. Купрэвіча НАН Беларусі[1].