wd wp Пошук: ⬜

Аляксей Віктаравіч Рудзянок

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} У Вікіпедыі ёсць артыкулы пра іншых асоб з прозвішчам Рудзянок. Аляксей Рудзянок (нар. 25 лютага 1993, Стоўбцы) — беларускі футбаліст, нападнік.

Клубная кар’ера

Выхаванец СДЮШАР горада Стоўбцы, кар’еру пачаў у клубе Другой лігі «Гарадзея». Пасля выхаду каманды ў Першую лігу ў сезоне 2011 страціў месца ў складзе, і ў 2012 годзе перайшоў у «Іслач», якой таксама дапамог выйсці ў Першую лігу. У складзе «Іслачы» ўлетку 2013 года выйграў бронзавыя медалі Кубка Рэгіёнаў УЕФА. У сезоне 2014 гуляў за «Рэчыцу-2014», якой дапамог заняць высокае пятае месца ў Першай лізе.

У сезоне 2015 гуляў у Другой лізе за клубы «Колас» і «Клецк». У 2016 годзе далучыўся да дэбютанта Вышэйшай лігі — клуба «Крумкачы», у складзе якога гуляў за дубль. Неўзабаве стаў прыцягвацца і да асноўнага складу, дэбютаваў у Вышэйшай лізе 11 мая 2016 года, выйшаўшы на замену ў канцы матча супраць салігорскага «Шахцёра» (2:0), аднак гэты матч так і застаўся адзіным у элітным дывізіёне ў асноўнай камандзе мінчан. У сезоне 2017 вярнуўся ў Першую лігу, выступаў спачатку за «Нёман-Агра», а ў ліпені перабраўся ў «Смаргонь». З 14 галамі стаў другім бамбардзірам Першай лігі.

У снежні 2017 года пасля чатырохгадовага перапынку зноў стаў іграком «Іслачы»[2]. У сезоне 2018 быў адным з асноўных ігракоў, нярэдка з’яўляўся ў стартавым складзе. Пад канец сезона стаў выкарыстоўвацца ў якасці паўабаронцы. У сезоне 2019 стаў радзей з’яўляцца на полі (чатыры разы выйшаў на замену ў чэмпіянаце Беларусі і тройчы ў Кубку Беларусі), часцей гуляў за дубль.

У ліпені 2019 года па пагадненні бакоў пакінуў «Іслач»[3] і неўзабаве папоўніў склад мінскага НФК [4], дзе стаў гуляць пераважна ў стартавым складзе. У студзені 2020 года пакінуў каманду[5].

У жніўні 2020 года быў дыскваліфікаваны на 2 гады па справе аб дагаварных матчах[6].

Міжнародная кар’ера

У верасні 2009 года гуляў за юнацкую зборную Беларусі ў адборачным раўндзе чэмпіянату Еўропы. 14 мая 2012 года згуляў за малодшую моладзевую зборную Беларусі (да 20 гадоў), выйшаўшы на замену ў канцы таварыскага матча супраць Украіны (1:1).

Дасягненні

Пераможца Другой лігі чэмпіянату Беларусі: 2010
03 Бронзавы прызёр Кубка рэгіёнаў УЕФА: 2013

Статыстыка выступленняў

Сезон	Дывізіён	Клуб	Матчы	Галы
2010	Д3	Гарадзея	28	7
2011	Д2	Гарадзея	5	0
2012	Д3	Іслач	28	10
2013	Д2	Іслач	15	0
2014	Д2	Рэчыца-2014	26	2
2015 (1)	Д3	Колас	6	0
2015 (2)	Д3	Клецк	13	0
2016	Д1	Крумкачы	1	0
2017 (1)	Д2	Нёман-Агра	15	6
2017 (2)	Д2	Смаргонь	15	8
2018	Д1	Іслач	24	1
2019 (1)	Д1	Іслач	4	0
2019 (2)	Д2	НФК	13	1

Зноскі

↑ Aleksey Rudenok // Transfermarkt — 2000. Праверана 9 кастрычніка 2017.
↑ Алексей Руденок стал игроком «Ислочи»
↑ «Ислочь» рассталась с Алексеем Руденком
↑ Алексей Руденок перешел в НФК
↑ НФК покинули восемь игроков
↑ Захар Волков дисквалифицирован на два года. Кажется, это решение принято в не самый подходящий момент

Спасылкі

Профіль на сайце kick-off.by (руск.)