ФК Нёман-Агра Стоўбцы
«Нёман-Агра» — былы беларускі футбольны клуб са Стоўбцаў. Заснаваны ў 1979 годзе, спыніў існаванне ў 2020 годзе.
Гісторыя
Клуб быў заснаваны ў 1979 годзе і спачатку ўдзельнічаў у чэмпіянаце БССР. У 1992 годзе «Нёман» трапіў у Другую лігу Беларусі, дзе згуляў два сезоны да вылету ў Трэцюю лігу, а праз год перайшоў на аматарскі ўзровень. У 1997 годзе «Нёман» вярнуўся ў трэці дывізіён, дзе адгуляў тры сезоны. У 1999 годзе стаўбцоўскі клуб выступаў пад назвай «Дарыда-Белагра» — ад спонсарства фірмы «Дарыда». На наступны год у Другую лігу заявілася новая самастойная каманда «Дарыда», а стаўбцоўскі клуб спыніў удзел у рэспубліканскіх спаборніцтвах.
У 2000-х гадах «Нёман» пад рознымі назвамі выступаў у чэмпіянаце Мінскай вобласці, у 2010 і 2011 станавіўся яго пераможцам. У 2016 годзе каманда заявілася ў Другую лігу[1]. У першым жа сезоне пасля вяртання на рэспубліканскую арэну стаўбцоўская каманда заняла чацвёртае месца, саступіўшы месца на п’едэстале толькі па дадатковых паказчыках.
У сакавіку 2017 года стала вядома, што «Нёман-Агра» можа папоўніць склад Першай лігі пасля адмовы «Клецка» ад удзелу ў турніры[2]. У выніку стаўбцоўскі клуб паспяхова заявіўся ў другі дывізіён. Пасля неблагога старту каманда стала цярпець паражэнні. Улетку склад «Нёман-Агра» пакінулі лідары, каманда істотна абнавіла склад. У другой палове чэмпіянату стаўбцоўскі клуб набраў усяго адно ачко і ўжо за некалькі тураў да фінішу выбыў у Другую лігу.
У сезоне 2018, нягледзячы на перамогу ў першых двух турах, каманда хутка апынулася ў сярэдзіне табліцы. Буйныя паражэнні стаўбцоўскай каманды чаргаваліся з нечаканымі перамогамі над фаварытамі. У выніку сезон скончыўся для «Нёмана-Агра» на 10-м месцы з 2018. У сезоне 2019 «Нёман-Агра» ўжо быў аўтсайдарам і заняў апошняе 15-е месца.
У пачатку 2020 года было абвешчана, што «Нёман-Агра» спыняе існаванне, а замест яго ў Другую лігу заявіцца новы клуб са Стоўбцаў — «Кронан»[3].
Папярэднія назвы
- 1979—1998: «Нёман»
- 1999: «Дарыда-Белагра»
- 2002: «Нёман-ПМК-74»
- 2003: «Нёман-Меліяратар»
- 2004: «Нёман-ПМК-74 Налібокі»
- 2005—2007: «Нёман-ПМК-74»
- 2009: «Нёман»
- 2010—2020: «Нёман-Агра»
Статыстыка выступленняў
Чэмпіянат і Кубак Беларусі
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1992 | Другая (Д2) | 10 | 15 | 6 | 2 | 7 | 19–19 | 14 | 1/32 фіналу | |
| 1992–93 | Другая (Д2) | 15 | 30 | 5 | 5 | 20 | 23–65 | 15 | 1/16 фіналу |  Вылет у Трэцюю лігу |
| 1993–94 | Трэцяя (Д3) | 15 | 34 | 6 | 9 | 19 | 25–55 | 21 | ||
| 1997 | Трэцяя — А (Д3) | 8 | 26 | 10 | 5 | 11 | 37–39 | 35 | ||
| 1998 | Другая — А (Д3) | 8 | 26 | 10 | 1 | 15 | 33–52 | 31 | Змена назваў ліг | |
| 1999 | Другая — Б (Д3) | 6 | 22 | 10 | 1 | 11 | 30–38 | 31 | ||
| 2002 | Чэмпіянат Мінскай вобласці (Д4) | 3 | 20 | 12 | 3 | 5 | 43–24 | 39 | ||
| 2003 | Чэмпіянат Мінскай вобласці (Д4) | 3 | 18 | 10 | 4 | 4 | 36–21 | 34 | ||
| 2004 | Чэмпіянат Мінскай вобласці (Д4) | 9 | 24 | 5 | 8 | 11 | 27–45 | 23 | ||
| 2005 | Чэмпіянат Мінскай вобласці (Д4) | 7 | 22 | 9 | 4 | 9 | 29–35 | 31 | ||
| 2006 | Чэмпіянат Мінскай вобласці (Д4), група Б | 5 | 14 | 6 | 2 | 6 | 22–26 | 20 | ||
| Фінальны этап | 13 | 14 | 6 | 2 | 6 | 21–20 | 20 | |||
| 2007 | Чэмпіянат Мінскай вобласці (Д4), група А | 9 | 16 | 2 | 1 | 13 | 20–45 | 7 | ||
| Фінальны этап | 15 | 20 | 8 | 1 | 11 | 25–42 | 25 | |||
| 2009 | Чэмпіянат Мінскай вобласці (Д4) | 6 | 26 | 11 | 6 | 9 | 41–36 | 39 | ||
| 2010 | Чэмпіянат Мінскай вобласці (Д4) | 1 | 24 | 18 | 4 | 2 | 66–20 | 58 | ||
| 2011 | Чэмпіянат Мінскай вобласці (Д4) | 1 | 26 | 20 | 5 | 1 | 86–25 | 65 | ||
| 2012 | Чэмпіянат Мінскай вобласці (Д4) | 2 | 26 | 21 | 2 | 3 | 86–42 | 65 | ||
| 2013 | Чэмпіянат Мінскай вобласці (Д4) | 4 | 24 | 16 | 1 | 7 | 76–45 | 49 | ||
| 2014 | Чэмпіянат Мінскай вобласці (Д4), група Б | 5 | 18 | 9 | 4 | 5 | 54–37 | 31 | ||
| Фінальны этап | 7 | 14 | 4 | 3 | 7 | 38–45 | 15 | |||
| 2015 | Чэмпіянат Мінскай вобласці (Д4) | 5 | 26 | 14 | 1 | 11 | 97–48 | 43 | ||
| 2016 | Другая (Д3) | 4 | 24 | 13 | 6 | 5 | 55–32 | 45 | 1/16 фіналу | Атрыманне месца ў Першай лізе |
| 2017 | Першая (Д2) | 16 | 30 | 3 | 4 | 23 | 27–94 | 13 | 1/16 фіналу | Вылет у Другую лігу |
| 2018 | Другая (Д3) | 10 | 28 | 9 | 4 | 15 | 42–92 | 31 | 1/32 фіналу | |
| 2019 | Другая (Д3) | 15 | 28 | 3 | 2 | 23 | 32–126 | 11 | 1/32 фіналу | |
Галоўныя трэнеры
- Андрэй Мікалаевіч (2012 — 2016)
- Леанід Лагун (сакавік — ліпень 2017)
- Міхаіл Макоўскі (жнівень — снежань 2017)
- Арцём Сукала (2018)
- Дзмітрый Даўбейка (2019)
Зноскі
- ↑ Неман-Агро: Третья попытка(недаступная спасылка)
- ↑ «Неман-Агро» может стать 16-м участником первой лиги
- ↑ “Неман-Агро” прекратил свое существование. Новая столбцовская команда будет называться “Кронон”
Спасылкі
- Профіль на сайце teams.by (руск.)
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Артыкулы з непрацоўнымі спасылкамі
Катэгорыя·Былыя футбольныя клубы Беларусі
Катэгорыя·Футбольныя клубы паводле алфавіта
Катэгорыя·ФК Нёман-Агра Стоўбцы
Катэгорыя·Футбольныя клубы, заснаваныя ў 1979 годзе