Уладзі́мір Пятро́віч Уго́льнік (15 ліпеня 1953, Мінск, Беларуская ССР — 15 снежня 2014, Мінск, Беларусь) — беларускі гітарыст, педагог[1].
У 1961 годзе паступіў у музычную школу па класе скрыпкі, у 1968 годзе — у музычнае вучылішча па класе альта. З 1968 года граў у біт-гуртах і вакальна-інструментальных ансамблях[2]. У 1992 годзе скончыў Беларускі дзяржаўны інстытут культуры па класе гітары. Працаваў з Віктарам Вуячычам, у ансамблі «Верасы», у аркестры Беларускага цырка, у аркестрах «Praha Cirk Centrum» і «Cyrk Peniny» (Польшча), музычным рэдактарам мінскага тэатра «Хрыстафор». З 2006 года з’яўляўся дацэнтам кафедры эстраднага мастацтва БДУКМ, дзе выкладаў гітару[3].
Памёр у 9-й гарадской клінічнай бальніцы Мінска з-за хваробы сэрца.
Пісаў музыку для тэатраў (Беларускі тэатр музычнай камедыі), тэлебачання, радыё, фільмаў, рэкламных ролікаў. На пласцінках былі выдадзены два альбома «Дневные сны» (1998) і «Задушевный рок-н-ролл» (2005), якія былі запісаны ў дуэце з Таццянай Каненковай. Разам з гітарыстам Генадзем Старыкавым стварыў творчы дуэт «Старик и Угол»[4]. З’яўляўся удзельнікам джазавых і рок-фэстаў у Беларусі, Расіі, Літве, Польшчы, Латвіі. Граў сольныя канцэрты аўтарскай музыкі[5]. У інтэрв’ю тэлеканалу СТБ адзначаў[6]:
![]() |
Цяпер больш папулярная электрычная гітара. Але я б не сказаў, што класічная гітара не папулярная. Я зараз маю вельмі цесныя зносіны з Мінскім клубам гітарыстаў і магу сказаць, што вельмі шмат маладых людзей займаюцца класічнай гітарай. Я вымушаны быць у курсе апошніх гітарных падзей. Трэба ісці ў нагу з часам, інакш я адразу страчу аўтарытэт. Калі мне зададуць пытанне і высветліцца, што я чагосьці не ведаю, то гэта будзе мінус. | ![]() |