«Верасы» — вакальна-інструментальны ансамбль. Створаны ў 1971 годзе, да 1996 года ў складзе Беларускай філармоніі. Мастацкі кіраўнік — народны артыст Беларусі В. Раінчык. У рэпертуары песенная лірыка, творы беларускіх (у тым ліку У. Будніка, Я. Глебава, Л. Захлеўнага, В. Іванова, І. Лучанка, Ю. Семянякі, Дз. Смольскага, Э. Ханка, І. Цвятковай) і замежных кампазітараў. З пачатку 1980-х гадоў шырока выкарыстоўвае камп’ютары і сінтэзатары, выконвае пераважна электронную музыку.