Тузін. Перазагрузка – альбом-складанка 12 беларускіх англамоўных, рускамоўных і італьянамоўных гуртоў і сольных выканаўцаў, якія зрабілі каверы на сваі песні на беларускай мове[1][2]. Кампакт-дыск выдадзены грамадскай кампаніяй Будзьма беларусамі! сумесна з музычным парталам Тузін Гітоў пры падтрымцы Згуртавання беларусаў свету «Бацькаўшчына» і Беларускага Радыё Рацыя ў снежні 2009 года[3]. Ідэя Сяргея Будкіна[4][5][6].
| № | Назва | Словы | Музыка | Арыгінал | Працягласць |
|---|---|---|---|---|---|
| 1. | «У свеце не адны» (Atlantica) | Віталь Воранаў | Алекс Дэвід | англ.: It’s Not About Us | 3:39 |
| 2. | «Бяжы» (Анастасія Шпакоўская, Naka) | Сяргей Балахонаў | Naka | руск.: Беги | 3:23 |
| 3. | «У неба» (Нестандартный Вариант) | Сяргей Балахонаў | Дзмітрый “Міх” Міхневіч, А. Піражэнка | руск.: В небе | 3:59 |
| 4. | «Новы мост» (Бенька, Серебряная свадьба) | Бенька, Сяргей Балахонаў, Вікторыя Дашкевіч | Серебряная свадьба | руск.: Новый мост | 4:25 |
| 5. | «Маці» (Сердце дурака) | Цімафей Яравікоў | Цімафей Яравікоў | –[заўв 1] | 2:34 |
| 6. | «Пад купалам нябёс» (The Stokes) | Глеб Лабадзенка | The Stokes | руск.: Под куполом небес | 4:08 |
| 7. | «Запалкі» (Рыта Дакота) | Глеб Лабадзенка | Рыта Дакота | руск.: Спички | 3:44 |
| 8. | «Студзень» (Hair Peace Salon) | Віталь Воранаў | Hair Peace Salon | англ.: Ice Age | 3:29 |
| 9. | «My Babe» (Tanin Jazz) | Віталь Воранаў | Таццяна Гарошка | англ.: My Baby | 4:21 |
| 10. | «Трыюмф волі» (Сяргей Пукст) | Андрэй Хадановіч | Сяргей Пукст | руск.: Триумф воли | 1:34 |
| 11. | «Каханне не ўзнікла» (Da Vinci(руск.) бел.) | Алесь Камоцкі | Леанід Шырын | італ.: L’amore non esiste | 3:18 |
| 12. | «Чароўны кролік» (Юрый Дземідовіч) | Сяргей Балахонаў, Юрый Дземідовіч | Юрый Дземідовіч | руск.: Волшебный кролик | 2:37 |
Дзмітрый Калдун вызначаў для Тузін Гітоў сярод найлепшых песен складанкі «Чароўны кролік» Юрыя Дземідовіча і «Студзень» «Hair Peace Salon»[7]. Эксперт Тузін Гітоў Севярын Квяткоўскі падтрымаў усе спробы артыстаў заспяваць па-беларуску[8]. Таццяна Заміроўская на старонках «БелГазеты» адзначала, што «беларускамоўныя песні „Atlantica“ і „Da Vinci(руск.) бел.“ на адным зборніку з „Серебряной свадьбой“ і „Tanin Jazz“» уражваюць[9].
На цырымоніі Рок-каранацыя 2009 альбом-складанка быў абраны пераможцам у намінацыі «Праект года»[10].
Алег Міхалевіч, кіраўнік радыё «Сталіца», у лісце да Будзьма беларусамі! асабліва адзначыў зборнік, бо «ідэя цудоўная»[11]! Галоўны дырэктар радыёстанцыі «Беларусь» Навум Гальпяровіч таксама падзякаваў за дыск, матэрыялы з якога, «безумоўна, выклікаюць цікавасць»[11]. Дырэктар радыёканала «Культура» Кацярына Агеева паведаміла, што музычныя рэдактары яе радыё адзначылі выдатную якасць гуказапісаў і з задавальненнем прапануюць кампазіцыі слухачам[11].
У 2018 годзе музычны партал Тузін Гітоў разам з Letapis.by уключыў песню «Бяжы» Анастасіі Шпакоўскай і Naka ў топ «60 беларускамоўных гітоў сучаснасці» (спіс найлепшых песен, выдадзеных з 1988 года)[12].