Рэнтгенаўскае выпраменьванне — адзін з відаў электрамагнітнага выпраменьвання. Энергія фатонаў такога выпраменьвання на шкале электрамагнітных хваль ляжыць паміж ультрафіялетавым і гама-выпраменьваннем. Даўжыня хвалі рэнтгенаўскага выпраменьвання складае ад 0,01 да 10 нм (10−2—10³ Å), што адпавядае частаце ў межах ад 30 петагерц да 30 экзагерц (3×1016 Гц — 3×1019 Гц) і энергіі ад 100 эВ да 100 кэВ.
Рэнтгенаўскія хвалі з энергіяй да 10 кэВ называюць «мяккім выпраменьваннем», хвалі з большай энергіяй — «жорсткім» — паводле іх пранікальнай здольнасці[1].
Вільгельм Рэнтген, агульна прызнаны адкрывальнік рэнтгенаўскага выпраменьвання, назваў яго X-промнямі, каб абазначыць невядомы тып радыяцыі[2].
Рэнтгенаўскія прамяні ўзнікаюць пры моцным паскарэнні зараджаных часціц (тармазное выпраменьванне), альбо пры высокаэнергетычных пераходах у электронных абалонках атамаў або малекул. Абодва эфекта выкарыстоўваюцца ў рэнтгенаўскіх трубках. Асноўнымі канструктыўнымі элементамі такіх трубак з’яўляюцца металічныя катод и анод. У рэнтгенаўскіх трубках электроны, вылучаныя катодам, паскараюцца пад дзеяннем рознасці электрычных патэнцыялаў паміж анодам і катодам (пры гэтым рэнтгенаўскія прамяні не выпускаюцца, так як паскарэнне занадта малае) і ўдараюцца аб анод, дзе адбываецца іх рэзкае тармажэнне. Пры гэтым за кошт тармазнога выпраменьвання адбываецца генерацыя выпраменьвання рэнтгенаўскага дыяпазону, і адначасова выбіваюцца электроны з унутраных электронных абалонак атамаў анода. Пустыя месцы ў абалонках займаюцца іншымі электронамі атама. Пры гэтым вылучаецца рэнтгенаўскае выпраменьванне з характэрным для матэрыялу анода спектрам энергій (характарэстычнае выпраменьванне, частоты вызначаюцца законам Мозлі:
ν
= A ( Z − B ) ,
{\displaystyle {\sqrt {\nu }}=A(Z-B),}
дзе Z — зарадавы лік элемента анода, A і B — канстанты для пэўнага значэння галоўнага квантавага ліку n электроннай абалонкі). У цяперашні час аноды вырабляюцца галоўным чынам з керамікі, прычым тая іх частка, куды ўдараюць электроны, — з малібдэна ці медзі.
У працэсе паскарэння-тармажэння толькі каля 1% кінэтычнай энергіі электрона ідзе на рэнтгенаўскае выпраменьванне, 99 % энергіі ператвараецца ў цяпло.
Рэнтгенаўскае выпраменьванне можна атрымліваць таксама і на паскаральніках зараджаных часціц. Так званае сінхратроннае выпраменьванне ўзнікае пры адхіленні пучка часціц у магнітным полі, у выніку чаго яны адчуваюць паскарэнне ў кірунку, перпендыкулярным іх руху. Сінхратроннае выпраменьванне мае суцэльны спектр з верхняй мяжой. Пры адпаведным чынам выбраных параметрах (велічыня магнітнага поля і энергія часціц) у спектры сінхратроннага выпраменьвання можна атрымаць і рэнтгенаўскія прамяні.
Kα | Kα₁ | Kα₂ | Kβ₁ | Kβ₂ | |
---|---|---|---|---|---|
Fe | 0,193735 | 0,193604 | 0,193998 | 0,17566 | 0,17442 |
Cu | 0,154184 | 0,154056 | 0,154439 | 0,139222 | 0,138109 |
Ag | 0,0560834 | 0,0559363 | 0,0563775 | ||
Cr | 0,2291 | 0,22897 | 0,229361 | ||
Co | 0,179026 | 0,178897 | 0,179285 | ||
Mo | 0,071073 | 0,07093 | 0,071359 | ||
W | 0,0210599 | 0,0208992 | 0,0213813 | ||
Zr | 0,078593 | 0,079015 | 0,070173 | 0,068993 | |
Ni | 0,165791 | 0,166175 | 0,15001 | 0,14886 |
На Зямлі электрамагнітнае выпраменьванне ў рэнтгенаўскім дыяпазоне утвараецца ў выніку іянізацыі атамаў выпраменьваннем, якое ўзнікае пры радыеактыўным распадзе, у выніку Комптан-эфекту гама-выпраменьвання, які ўзнікае пры ядзерных рэакцыях, а таксама касмічным выпраменьваннем. Радыеактыўны распад таксама прыводзіць да непасрэднага выпраменьвання рэнтгенаўскіх квантаў, калі выклікае перабудову электроннай абалонкі пагражае распад атама (напрыклад, пры электронным захопе). Рэнтгенаўскае выпраменьванне, якое ўзнікае на іншых нябесных целах, не дасягае паверхні Зямлі, так як цалкам паглынаецца атмасферай. Яно даследуецца спадарожнікавымі рэнтгенаўскімі тэлескопамі, такімі як «Чандра» і «XMM-Ньютан».
Chemistry and Physics 75th ed. David R. Lide P.10-227. CRC Press ISBN 0-8493-0475-X 4. ↑ Crystallographica, v1.60a. Oxford Cryosystems 1995—1999. 5. ↑ Herman, Gabor T. (2009). Fundamentals of Computerized Tomography: Image Reconstruction from Projections (2nd ed.). Springer. ISBN 978-1-85233-617-2. 6. ↑ Back to the future: the history and development of the clinical linear accelerator in doi:10.1088/0031-9155/51/13/R20