Рабі́на[3][4] (Sorbus) — род кветкавых раслін сямейства Ружавыя (Rosaceae).
Лістападныя дрэвы або дрэвападобныя кусты вышынёй 4—10 м (часам да 20 м). Кара гладкая, крона ажурная. Лісце ад простага да няпарнаперыстага, зубчастае. Кветкі белыя, духмяныя, у суквеццях. Плады — дробныя, чырвона-аранжавыя яблыкі, у гронках.
На тэрыторыі Беларусі ў дзікай прыродзе толькі адзін від — рабіна звычайная (Sorbus aucuparia). Расце ў падлеску, на палянах, па берагах рэк, вырошчваецца як дэкаратыўнае дрэва. Цвіце ў маі-чэрвені. Спелыя плады застаюцца на галінках да зімы.
Паводле The Plant List[5] род уключае больш 200 відаў. Статус многіх апісаных відаў застаецца невызначаным.
Некаторыя віды:
Плады рабіны багатыя цукрамі, пекцінавымі рэчывамі, выкарыстоўваюцца ў харчовай прамысловасці і медыцыне.
У садах і парках Беларусі можна сустрэць больш за 20 інтрадукаваных відаў рабіны. Меданосныя расліны.