wd wp Пошук: ⬜

Пётр Сафронавіч Рудзік

У Вікіпедыі ёсць артыкулы пра іншых асоб з прозвішчам Рудзік. Пётр Сафронавіч Рудзік (29 чэрвеня 1913, Харкаў — 18 кастрычніка 2005) — беларускі архітэктар. Заслужаны архітэктар БССР (1970).

Біяграфія

Скончыў у 1941 годзе Харкаўскі інжынерна-будаўнічы інстытут. Удзельнік Вялікай Айчыннай вайны. 3 1946 працаваў у БелНДІдзіпрасельбуд, у 1946—1978 гадах галоўны архітэктар праектаў[1].

Член Саюза архітэктараў СССР з 1967 года[1].

Творачасць

Асноўны кірунак творчасці — архітэктура жылых і грамадскіх будынкаў для сельскіх населеных месцаў. Найбольш значныя работы: забудова цэнтральных сядзіб калгасаў «Прагрэс» і «Гвардыя» Гродзенскага, імя Калініна Магілёўскага, імя Леніна Брэсцкага раёнаў[2] і інш., саўгасаў «Леніна» Горацкага, «Волма» Мінскага [1], забудова пасёлка эксперыментальна-паказальнага будаўніцтва ў саўгасе «Камуніст» Ельскага раёнаў (1970—1983; у сааўтарстве з В. Н. Емяльянавым), клуб і жылая забудова пас. Крупіца ў калгасе «Новы быт» Мінскага раёна (1955—1965), клубы ў Смілавічах, Рудзенску, Радашковічах, Лагойску, Петрыкаве (1953—1957), жылыя дамы ў эксперыментальна-паказальных пасёлках, цэнтральных сядзібах калгасаў «Чырвоная змена», «Прагрэс», саўгаса імя М. І. Калініна (1960—1967)[3] і інш. Аўтар шэрага тыпавых праектаў 1—2-павярховых (2- і 4-кватэрных) жылых дамоў, клубаў на 200—400 месцаў, дзіцячых дашкольных устаноў, адміністарцыйных, гандлёвых і грамадскіх будынкаў[1].

Памёр у 2005 годзе[2].

Узнагароды

Узнагароджаны ордэнам Чырвонай Зоркі (1945), залаты, трыма сярэбранымі і бронзавымі медалямі ВДНГ СССР [3].

Бібліяграфія

Альбом проектов застройки и благоустройства усадьбы колхозника Белорусской ССР [Изоматериал] / Управление по делам сельского и колхозного строительства при Совете Министров БССР, Белорусский государственный институт проектирования сельского строительства «Белсельпроект»; [разработали: И. Е. Бачилов и др.], 1949
Жилые дома для сельского строительства в Белорусской ССР : к ІІІ Всесоюзному съезду колхозников : каталог / Госстрой БССР, Государственный проектный институт «Белгипросельстрой»; [редактор П. С. Рудик], 1969

Зноскі

1 2 3 4 Рудзік Пётр Сафронавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
1 2 Рудик Петр Сафронович (1913) (руск.)
1 2 Рудик Петр Сафронович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1.(руск.)

Літаратура

Рудзік Пётр Сафронавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Рудик Петр Сафронович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1.(руск.)
Чарнатаў В. М. Рудзік Пётр Сафронавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 428. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.

Спасылкі

Беларусь у асобах і падзеях: Рудзік Пётр Сафронавіч // Нацыянальная бібліятэка Беларусі