Пакрыве́ц[3], анхуза (Anchusa)[4] — род кветкавых раслін сямейства Бурачнікавыя (Boraginaceae).
Налічвае каля 50 відаў, пашыраных у Еўропе, Паўночнай і Сярэдняй Азіі, Паўночнай і Паўднёвай Афрыцы. На тэрыторыі Беларусі сустракаюцца пакрывец лекавы (Anchusa officinalis) і крывацвет палявы (Lycopsis arvensis).
Аднагадовыя, двух- і шматгадовыя травяністыя расліны з прамастойнымі тоўстымі галінастымі сцёбламі вышынёй 30—100 см. Сцябло ўкрыта цвёрдашчаціністымі валаскамі, што сядзяць на бародаўках. Лісце сядзячае, падоўжанае, па краі хвалістае, з рэдкімі шчацінкамі. Кветкі сінега колеру, правільныя, сабраныя ў моцнааблісцелыя завіткі. Плод — чатырохарэшак.
Лекавыя, дэкаратыўныя, меданосныя і фарбавальныя расліны.
Пакрывец на Вікісховішчы |