Падлесак
Падлесак — група раслін у лесе, якія растуць у цені дрэў, якія ўтвараюць полаг. Складаецца з кустоў і нізкіх дрэў, якія ніколі не вырастаюць да вышыні асноўнага дрэвастою, чым адрозніваюцца ад падросту(англ.) бел.. Падлесак ў шыракалістых і мяшаных лясах часцей за ўсё складаецца з маліны, ляшчыны, брызгліны, крушыны, ядлоўцу, рабіны, а ў лісцяных, цёмнахвойных і светлахвойных лясах у яго склад уваходзяць вольха, карлікавая бяроза і карлікавая вярба. Кізіл і падуб таксама, як правіла, уваходзяць у падлесак.
Да падлеску даходзіць значна менш святла, таму ўтваральныя яго расліны ценелюбівыя і ажыццяўляюць фотасінтэз пры абмежаваным асвятленні. У змешаных лясах лісце верхняга яруса з’яўляецца пазней, чым у падлеску, што дае магчымасць раслінам ніжняга яруса фотасінтэзаваць без зацянення полагам. Гэты кароткі перыяд (1-2 тыдні) дазваляе раслінам падлеску падтрымліваць вугляродны баланс на працягу ўсяго года.
Вільготнасць у падлеску таксама вышэй, чым на адкрытых участках. Полаг затрымлівае сонечнае выпраменьванне, памяншаючы тэмпературу паверхні зямлі і, адпаведна, інтэнсіўнасць выпарэння. Высокая вільготнасць дазваляе расці грыбам і іншым рэдуцэнтам(руск.) бел.. Дзякуючы гэтаму падлесак адыгрывае вялікую ролю ў жыцці лесу — ўплывае на фарміраванне ствалоў дрэў, спрыяе ачышчэнню іх ад сукоў, а таксама ўплывае на мікраклімат(руск.) бел. і глебу лесу. У водаахоўных лясах падлесак змацоўвае глебу і абараняе берагі азёр і рэк ад размыву.
Зноскі
Спасылкі
- Падлесак: Геаграфічны слоўнік (Праверана 8 чэрвеня 2009)(Праверана 8 чэрвеня 2009)
- Падлесак (руск.) — артыкул з Вялікай савецкай энцыклапедыі
Катэгорыя·Вікіпедыя·Запыты на пераклад з рускай
Катэгорыя·Лес