Вольха, альха[4], але́шына[5] (Alnus), род лістападных дрэў сямейства бярозавых.
Дрэвы вышынёй да 23-35 м. Лісце суцэльнае. Цвітуць ранняй вясной, да з’яўлення лісця. Мужчынскія кветкі ў каташках, жаночыя ў шышачках, якія ператвараюцца ў суплоддзі. Плод — крылаты арэшак. Жывуць да 50-120 гадоў. Драўніна мае характэрную аранжавую афарбоўку.
На Беларусі 2 віды: вольха чорная (Alnus glutinosa) (на нізінных балотах, па берагах рэк і азёр) і вольха шэрая (Alnus incana) (на поўначы Беларусі). Утвараюць чорнаальховыя і шэраальховыя лясы.