Дрэвастой — сукупнасць дрэў, якія з’яўляюцца асноўным кампанентам насаджэння[1], або
сукупнасць драўнянай расліннасці, утваральнай лес[2].
Віды дрэвастою
Карэнны дрэвастой — дрэвастой, які фарміруецца ў натуральных умовах і характарызуецца пераважнай пародай, адпаведнай дадзеным лесараслінным умовам.
Вытворны дрэвастой — дрэвастой, які фарміруецца на месцы карэннага ва ўмовах, парушаных у выніку дзейнасці чалавека або натуральных прыродных працэсаў.
Насенны дрэвастой.
Параснікавы дрэвастой — дрэвастой, які ўтварыўся ад пнёвага парасніку, каранёвых атожылкаў і адводкаў.
Чысты дрэвастой — дрэвастой, які складаецца з адной драўнянай пароды або з адзінкавай прымешкай іншых парод.
Змяшаны дрэвастой — дрэвастой, які складаецца з двух і больш драўняных парод.
Просты дрэвастой — дрэвастой, у якім дрэвы ўтвараюць адзін ярус.
Складаны дрэвастой — дрэвастой, у якім дрэвы ўтвараюць два і больш ярусаў.