Оснабрук (ням.: Osnabrück [ɔsnaˈbʁʏk]) — горад зямельнага падпарадкавання ў Германіі, трэці па велічыні горад у зямлі Ніжняя Саксонія.
Насельніцтва 165 021 чалавек (трэці паводле колькасці насельніцтва горад Ніжняй Саксоніі, пасля Гановера і Браўншвайга). Важны чыгуначны вузел і вузел аўтамабільных дарог.
Оснабрук быў заснаваны ў 780 годзе Карлам Вялікім і хутка становіцца важным гандлёвым цэнтрам. У канцы IX стагоддзя атрымаў гарадскія прывілеі, а з канца XII стагоддзя ўвайшоў у склад Ганзы. У 1648 у Оснабруку і суседнім з ім Мюнстэры быў падпісаны Вестфальскі мір, які завяршыў Трыццацігадовую вайну.