Анжэ або Анжэр (фр.: Angers) — галоўны горад гістарычнай вобласці Анжу і дэпартамента Мен і Луара на захадзе Францыі. Размешчаны за 300 км на паўднёвы захад ад Парыжа, на берагах ракі Мен, у некалькіх кіламетрах вышэй месца яе ўпадзення ў Луару.
Горад багаты на сярэднявечныя помнікі, сярод якіх першае месца належыць замку пачатку XIII стагоддзя з 17 вежамі вышынёй ад 40 да 58 метраў. У замку можна бачыць знакамітыя габелены Нікаля Батая на апакаліптычныя тэмы. Пры герцагу Рэнэ яны былі перададзеныя на захоўванне ў Анжэрскі сабор, але ў 1848 годзе былі выкупленыя дзяржавай і адрэстаўраваны.