Наўгародскі раён (руск.: Новгоро́дский райо́н) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) у складзе Наўгародскай вобласці Расійскай Федэрацыі. Адміністрацыйны цэнтр знаходзіцца ў горадзе Вялікі Ноўгарад, які не ўваходзіць у склад раёна. Другая па колькасці насельніцтва адміністрацыйна-тэрытарыяльная адзінка ў Наўгародскай вобласці.
Плошча — 4 596,6 км² (сельскагаспадарчыя ўгоддзі — 1110 км², лесу — 2642 км²). На захадзе раён мяжуе з Бацецкім і Шымскім, на ўсходзе — з Малавішэрскім і Красцецкім раёнамі, на поўначы Наўгародскі раён мяжуе з Чудаўскім, на поўдні — са Старарускім і Парфінскім раёнамі, а на паўночным захадзе з Ленінградскай вобласцю: на захадзе з Лужскім і на поўначы з Тосненскім раёнамі.
Асноўныя рэкі — Волхаў, Вішэра, Мста, Піцьба, Керэсць, Палісць, Вяронда, Відагашч, Ніша, Вяража.
На поўдні раёна размешчана возера Ільмень.