Тосненскі раён (руск.: То́сненский район) — муніцыпальнае ўтварэнне ў складзе Ленінградскай вобласці Расіі.
Адміністрацыйны цэнтр — горад Тосна.
Размешчаны на поўдні Ленінградскай вобласці. Плошча раёна 3585,4 км². Мяжуе на паўночным усходзе — з Кіраўскім муніцыпальным раёнам; на ўсходзе — з Кірышскім муніцыпальным раёнам; на паўднёвым усходзе — з Наўгародскай вобласцю (Чудаўскім і Наўгародскім раёнам); на паўднёвым захадзе — з Лужскім муніцыпальным раёнам; на захадзе — з Гатчынскім муніцыпальным раёнам; на поўначы — з горадам федэральнага падпарадкавання Санкт-Пецярбургам. Адлегласць ад адміністрацыйнага цэнтра раёна да Санкт-Пецярбурга — 55 км.