wd wp Пошук: ⬜

Ларыса Давыдаўна Фінкельштэйн

У Вікіпедыі ёсць артыкулы пра іншых асоб з прозвішчам Фінкельштэйн.

Ларыса Давыдаўна Фінкельштэйн (13 жніўня 1950, Іашкар-Ала, Марыйская АССР, РСФСР) — беларускі і расійскі мастацтвазнаўца, арт-крытык, галерыст, куратар выставак сучаснага мастацтва, экспадызайнер, педагог Вышэйшай школы, калекцыянер. Аўтар і вядучая рубрык на радыё і ў друкаваных выданнях, заснавальнік першай беларускай галерэі — Аўтарскай некамерцыйнай канцэптуальнай галерэі «Брама». Аўтар канцэпцыі і арт-дырэктар галерэі «Брама». Член Беларускага саюза мастакоў, Беларускага Саюза дызайнераў, Беларускага Саюза літаратурна-мастацкіх крытыкаў, член Міжнароднай асацыяцыі мастацтвазнаўцаў АІС (Масква)[1].

Біяграфія

Нарадзілася ў сям’і адэскіх інжынераў, эвакуіраваўшых у час Вялікай Айчыннай вайны завод «КІНАП» з Адэсы ў Іашкар-Алу. Сям’я пераязджала па месцы прызначэння бацькі: Іашкар-Ала — Адэса — Загорск — Ізюм — Мінск — Алма-Ата — Мінск.

У 1968 годзе паступіла на нямецкае аддзяленне гістарычнага факультэта КазДУ(руск.) бел. ў Алма-Аце. У 1969 годзе перавялася ў Мінск, у Беларускі дзяржаўны ўніверсітэт, які скончыла ў 1973 годзе па спецыяльнасці «Гісторыя. Гісторыя мастацтва». Выкладчыкамі яе былі Л. С. Абецэдарскі і І. Б. Элентух.

З’яўляецца спецыялістам у галіне сучаснага беларускага мастацтва:

Дэкаратыўнае мастацтва ХХ—ХХI стагоддзяў
Беларускі авангард 1970—90 гадоў ХХ стагоддзя
Беларускае мастацтва на стыку станковага і дэкаратыўнага ХХ—ХХI стагоддзяў
Тэорыя мастацтва
Мастацкая крытыка
Яўрэі — мастакі і персанажы ў беларускім мастацтве (упершыню ў Беларусі пачала цыкл выстаў, прысвечаных мастакам-габрэям у мастацтве Беларусі і яўрэйскай тэматыцы ў творчасці беларускіх аўтараў).

Пачатак прафесійнай дзейнасці (1973 год) супаў з адкрыццём першай выставачнай залы сучаснага мастацтва ў рэспубліцы — «Палаца мастацтваў» — Дырэкцыі выстаў Саюза мастакоў БССР. Працавала там да ліквідацыі Дырэкцыі выстаў у 1991 годзе. У гэтым жа годзе стварыла сваю аўтарскую некамерцыйную канцэптуальную галерэю «Брама».

У 1992—2002 гадах — выкладчык аўтарскага спецкурса па мастацтвазнаўству ў Ліцэі БДУ.

У 1999—2001 гадах — дацэнт кафедры мастацтвазнаўства Інстытута сучасных ведаў імя А. М. Шырокава.

У 2003—2006 гадах — вядучы мастацтвазнаўца праекта «Інтэрнэт-Інтранэт тэхналогій» Беларускага дзяржаўнага універсітэта інфарматыкі і радыёэлектронікі.

З 2006 года — дацэнт кафедры культуралогіі факультэта міжнародных адносін Беларускага дзяржаўнага ўніверсітэта.

З’яўлялася старшынёй беларускага журы Сусветнага конкурсу «Дзеці свету малююць Іерусалім» (Мінск, 2000), журы Рэспубліканскага конкурсу дыпломных работ мастацкіх ВНУ Беларусі «Арт-сесія» (Віцебск, 1999), членам пастаяннай Рэспубліканскай камісіі па прысуджэнні і пацвярджэнні звання «Народны калектыў». Пастаянны рэцэнзент дыпломных работ выпускнікоў мастацкіх факультэтаў і ВНУ (Беларускай Дзяржаўнай Акадэміі Мастацтваў, Беларускага Дзяржаўнага Універсітэта Культуры і Мастацтва, Беларускага дзяржаўнага педагагічнага універсітэта імя М. Танка, Інстытута сучасных ведаў імя А. М. Шырокава). Упершыню ўвяла ў лексікон мастацтвазнаўства паняцце «філасофская кераміка». Аўтар ідэі I Беларускага рэспубліканскага пленэра «аб’ёмнага тэкстылю» (2012), Рэспубліканскай мастацкай выставы «Разумны метал» (2014).

Жыве і працуе ў Мінску.

Арт-праекты

У «Браме» толькі жанчыны… (1993, у рамках II Міжнароднага фестывалю жаночага кіно ў Мінску, кінатэатр «Масква»)
«Чатыры боку колеру» (1995, у рамках III Міжнароднага фестывалю жаночага кіно ў Мінску, кінатэатр «Масква»)
«Ад Марка Шагала — у Мінулае і Сучаснасць. XIX—XX стагоддзе» (1993, Палац мастацтва, Мінск)
«Гутаркі з Шагалам… Перад зачыненымі дзвярыма на I Міжнародны Шагалаўскі пленэр». Міжнародная выстаўка 1994. Галерэя «Брама» ў галерэі «Alter ego».
«25-ы кадр» — на фестывалях постсавецкага кіно «Лістапад-94» і «Лістапад-98» (кінатэатр «Кастрычнік», Мінск)
«Лікі пустыні». Перформанс да 3000-годдзя Іерусаліма (1996, Нацыянальны акадэмічны рускі драматычны тэатр імя М. Горкага)
«Брама… з канца тысячагоддзя». Сумесны праект з Еўрапейскім гуманітарным універсітэтам «Terra Inkognita Belarus» (1999, Нацыянальная бібліятэка Беларусі)
Пленэр штогадовай «Летняй акадэміі для студэнтаў Еўропы» (Carpe dremе, 1999)
«Фактура» — Рэспубліканская выстаўка (2005, Нацыянальная бібліятэка РБ)
I Рэспубліканскі пленэр аб’ёмнага тэкстылю «Метафары і метамарфозы» — Мінск, Палац мастацтваў (2012)
II Рэспубліканскі пленэр тэкстыльнай скульптуры «Гульні з дажджом» — Мінск, Палац мастацтва (2013)
«Гульні з дажджом» — выстаўка па выніках II Рэспубліканскага пленэра тэкстыльнай скульптуры ў рамках праекта Беларускага Саюза мастакоў да Чэмпіянату свету па хакеі ў Мінску «АренаБелАрт»
«Разумны метал» — Рэспубліканская мастацкая выстаўка (2014, Мінск, Нацыянальная бібліятэка Беларусі, галерэя «Лабірынт»)
Адкрыццё выстаўкі «Разумны метал» у Нацыянальнай бібліятэцы Беларусі 22 кастрычніка 2014 г
Народны артыст Беларусі Барыс Луцэнка
Беларускі мастак-канцэптуаліст і спявак Сяргей Шыла
Леанід Дзягілеў, загадчык кафедры дызайна Інстытута сучасных ведаў імя А. М. Шырокава.

Удзел у міжнародных выставах (галерэя «Брама»)

«Арт-Міф — 2» — Маскоўская міжнародная выстаўка-кірмаш (галерэй), 1991, Масква, Манеж, Цэнтральная выставачная зала
«Дыяспара» (СНД), 1992. Масква, Цэнтральны Дом Мастака
Праект «Интэрдызайн» — 1996, 1997, 2001, 2004, Мінск, НВЦ
Выстаўка аб’ёмнага тэкстылю «Кінематограф… Сярэднявечча» — 19-й мінскі Міжнародны кінафестываль «Лістапад». Мінск, Палац мастацтва (2013)

Аўтарскія радыёрубрыкі

«Вігвам мастацтваў» — аўтарская штотыднёвая рубрыка на I канале Нацыянальнага беларускага радыё і ў часопісе «Рыа». 1993—2003 гады
«Квартал мастакоў» — аўтарская штотыднёвая паўгадзінная рубрыка ў прамым эфіры на канале «Культура» Нацыянальнага радыё
«Ларыса Фінкельштэйн і яе госць» — аўтарская штотыднёвая паўгадзінная рубрыка ў прамым эфіры на канале «Культура» Нацыянальнага радыё (2003—2007)

Публікацыі

«Мастацтва вакол нас» — аўтарская рубрыка ў часопісе «Адукацыя і выхаванне» (1992—1993)
«З мінулага і сучаснасці айчыннага мастацтва» — аўтарская рубрыка ў часопісе «Асновы мастацтва» (1995—2000)
«У мастацтве няма правінцыі» — уступны артыкул да альбома «500 узнагарод у 20 краінах» (Юныя мастакі Дзяржынска)
«Le Gobelin de Bielorussie» — Deuxieme triennale internationale de tournai // 1993, Tournai en Belgidue. s. 15—16
«Кантынент без межаў» // Альбом-манаграфія. Мн., «Алфавіт». 1996. с. 2—47
«Ізраіль Басаў» Альбом-манаграфія. Мн., 2001
«Вы маглі б жыць у Луўры?» // Зборнік артыкулаў «Паклон табе, Іерусалім» Мн., 1996. Стр.69—75
“Кераміка. Людміла і Валерый Кавальчук “. Альбом-манаграфія. Мінск. 1997

Галерэя

З народным мастаком Беларусі Леанідам Шчамялёвым
З народным мастаком Беларусі Гаўрылай Вашчанка
У Нацыянальным мастацкім музеі Беларусі
Інтэрв’ю каналу БелСат
Інтэрв’ю каналу БелСат
Інтэрв’ю каналу Белсат на выстаўцы Канстанціна Селіханава

Зноскі

↑ Ассоциация искусствоведов. Финкельштейн Лариса Давидовна (руск.) Архівавана 14 ліпеня 2014.

Спасылкі

На Вікісховішчы ёсць медыяфайлы па тэме Ларыса Давыдаўна Фінкельштэйн
Ларыса Фінкельштэйн. Контур у прасторы. Ізраіль Басаў. ARCHE. Habrejski numar № 3 (8) — 2000 Архівавана 4 сакавіка 2016.
Лариса Финкельштейн. Художник и время. Журнал Мишпоха. № 14 — 2004 (руск.)
Лариса Финкельштейн. Парадоксы судьбы Израиля Басова (руск.)
Лариса Финкельштейн. Брутальность как точка соприкосновения Архівавана 18 студзеня 2018. (руск.)
Сайт ArtDigest-Belarus. Открытие выставки «Умный металл» Архівавана 13 лістапада 2014. (руск.)
БелГазета. Презентация художественного альбома «Белорусский авангард 80-х» (руск.)