wd wp Пошук:
    ⬜

    Дуброўнае

    Дубро́ўнае[1] (трансліт.: Dubroŭnaje, руск.: Дубровное) — вёска ў Брагінскім раёне Гомельскай вобласці. Уваходзіць у склад Буркоўскага сельсавета.

    Геаграфія

    За 11 км на захад ад Брагіна, 18 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 130 км ад Гомеля.

    Транспартная сістэма

    Побач аўтадарога Камарын — Хойнікі.

    Планоўка складаецца з ледзь выгнутай, блізкай да мерыдыянальнай арыентацыі вуліцы, забудаванай драўлянымі хатамі сядзібнага тыпу.

    Гісторыя

    Карона Каралеўства Польскага

    Хутар Тарарынскі альбо Дуброўнае ў рэестры 1768 г.
    Ці не ўпершыню паселішча згаданае ў інвентары Хойніцкага маёнтка 1721 года, калі добры вярталіся ад пасэсара ксяндза-біскупа Юзафата Парышэвіча сыну нябожчыка князя Дамініка Шуйскага Мікалаю. Тады на хутары [Астраглядаўскага ключа](/Астрагляды "Астрагляды") жылі Даніла, Кандрат і Сымон Тарары, ад прозвішча якіх ён і атрымаў назву Тарарын. Усе разам, акрамя [дзякла](/Дзякла "Дзякла"), яны плацілі 10 злотых [чыншу](/Чынш "Чынш") і яшчэ  — 2 бельцы мёду[[2]](/Дуброўнае#cite_note-2). Тарыф падымнага падатку [Оўруцкага](/Оўруч "Оўруч") павета [Кіеўскага ваяводства](/Кіеўскае_ваяводства "Кіеўскае ваяводства") на 1734 год засведчыў прыналежнасць Тарарына[[upper-alpha 1]](/Дуброўнае#cite_note-3) да маёнтка Хойнікі князя Ігнацыя, сына Дамініка, Шуйскага[[3]](/Дуброўнае#cite_note-4). У тарыфе 1754 года хутар згаданы ўжо пад сваёй сённяшняй назвай Дуброўнае. З яго 7 двароў (×6 — каля 42 жыхароў) «do grodu» ([Оўруцкага замка](/Оўруч "Оўруч")) выплачваліся 1 злоты і паўтары грошы, «na milicję» (на вайсковыя патрэбы павета і ваяводства) 4 злотыя і 6 грошаў[[4]](/Дуброўнае#cite_note-5).

    У 1768 годзе, згодна з адпаведным інвентаром, складзены рэестр пабору Астраглядаўскага ключа. З гаспадароў хутара Tararynski alias Dombrowne Сцяпана і Івана Тарараў[upper-alpha 2], Ярмолы, Міхала, Івана, Васіля, Яўсея Данчанкаў, Савы Карповіча збіралася, акрамя дзякла, 42 злотых чыншу, 17 квартаў мёду[5].

    Расійская імперыя

    Дуброўны на схематычным плане Рэчыцкага павета 1800 г.
    Пасля [другога падзелу Рэчы Паспалітай](/Другі_падзел_Рэчы_Паспалітай "Другі падзел Рэчы Паспалітай") (1793) Дуброўнае — у межах Рэчыцкай акругі Чарнігаўскага намесніцтва (губерні), з 1796 года ў складзе тэрытарыяльна ўпарадкаванага [Рэчыцкага павета](/Рэчыцкі_павет_(Расійская_імперыя) "Рэчыцкі павет (Расійская імперыя)") Маларасійскай, а з 29 жніўня 1797 года [Мінскай губерні](/Мінская_губерня "Мінская губерня") [Расійскай імперыі](/Расійская_імперыя "Расійская імперыя")[[6]](/Дуброўнае#cite_note-8). У крыніцы, заснаванай на звестках расійскай рэвізіі 1795 года, сказана што хутар Дуброўна, сяло Астраглядавічы, вёскі Плоскае, Вязок, Бардакі належалі[[upper-alpha 3]](/Дуброўнае#cite_note-9) шамбяляну Яну Ястржэмбскаму[[7]](/Дуброўнае#cite_note-10).

    Найноўшы час

    9 лютага 1918 года, яшчэ да падпісання Брэсцкага міру з бальшавіцкай Расіяй (3 сакавіка), Германія перадала паўднёвую частку Беларусі Украінскай Народнай Рэспубліцы. У адказ на гэта, 9 сакавіка Другой Устаўной граматай тэрыторыя абвешчана часткай Беларускай Народнай Рэспублікі. Дуброўнае ў складзе Мікуліцкай воласці Рэчыцкага павета, аднак, апынулася ў часова створанай 15 чэрвеня Палескай губерні з цэнтрам у Рэчыцы, з кастрычніка — у Мазыры. З 18 мая тут дзейнічала «варта Украінскай Дзяржавы» гетмана Паўла Скарападскага[8].

    Насельніцтва

    Заўвагі

    1. ↑ Назва паселішча запісана як wieś Tatary, але гэткай у рэгіёне ніколі не існавала. Відавочна, варта чытаць і разумець — Tarаry.
    2. ↑ У іншых выпадках прозвішча Тарара падавалася ў форме Тарала. Астатняя і дажыла да нашых дзён.
    3. ↑ Папраўдзе, знаходзіліся ў трохгадовай «арэнднай пасэсіі» ад дзедзічнай іх уладальніцы пані Людвікі з князёў Шуйскіх Прозар; гл.: Астрагляды

    Зноскі

    1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
    2. ↑ НГАБ у Мінску. Ф. 320. Воп. 1. Спр. 1. А. 127
    3. ↑ Тарифи подимного податку, сеймикові лауди і люстрації Київського воєводства першої половини XVIII століття. /Вид. друге, доп. Укл. Конрад Жеменецький. — Біла Церква, 2015. С. 286
    4. ↑ Тариф подимного податку Київського воєводства 1754 року. /Опрацював Конрад Жеменецький. — Біла Церква, 2015. С. 192
    5. ↑ НГАБ. Ф. 320. Воп. 1. Спр. 1. А. 134, 136
    6. ↑ Насевіч, В., Скрыпчанка, Т. Рэчыцкі павет / В. Насевіч, Т. Скрыпчанка // Энцыклапедыя гісторыі Беларусі: у 6 т. — Т. 6. Кн. 1. — Мінск: БелЭн, 2001. C. 181—182
    7. ↑ Петреченко І. Є. «Камеральное описание… Речицкой округи» 1796 р.: інформаційний потенціал пам’ятки // Днепровский паром. Природное единство и историко-культурное взаимодействие белорусско-украинского пограничья / Материалы международной конференции (26-27 апреля 2018 г., г. Гомель). — Минск: Четыре четверти, 2018. С. 71
    8. ↑ Ціхаміраў А. В. Станаўленне і развіццё беларуска-украінскіх адносін у 1918—1920 гг. // Веснік БДУ. Сер. 3. 2005. № 3. С. 28 — 32; Грицкевич А. П. Борьба за Украину, 1917—1921 / А. П. Грицкевич; под науч. ред. А. Е. Тараса. — Минск: Современная школа, 2011. С. 92 — 93; Ільїн, О. Західне Полісся в Українській Державі гетьмана Скоропадського (Історія в документах) / О. Ільїн // Над Бугом і Нарвою : український часопис Підляшшя. — 2014. № 3. С. 42; Замойский А. С. Брагин и местечки юго-восточной Беларуси в условиях перехода от войны к миру. 1918—1922. // Брагинщина в контексте истории белорусско-украинского пограничья: сборник научных статей / редкол. А. Д. Лебедев. — Минск, 2018. С. 85
    9. ↑ Буркоўскі сельскі савет. 2021 г.

    Літаратура

    Тэмы гэтай старонкі (5):
    Катэгорыя·Артыкулы пра населеныя пункты без катэгорыі на Вікісховішчы
    Катэгорыя·Населеныя пункты Брагінскага раёна
    Катэгорыя·Буркоўскі сельсавет
    Катэгорыя·Населеныя пункты паводле алфавіта
    Катэгорыя·Населеныя пункты Беларусі з насельніцтвам з Вікідадзеных