Аўтамабільная дарога (дарога) — частка тэрыторыі, у тым ліку ў населеным пункце, прызначаная для руху транспартных сродкаў і пешаходаў , з усімі размешчанымі на ёй збудаваннямі ( мастамі, пуцеправодамі, эстакадамі, надземнымі і падземнымі пешаходнымі пераходамі) і сродкамі арганізацыі дарожнага руху, і абмежавана па шырыні вонкавым краем тратуараў або краем паласы адводу, якая забяспечвае ўнутрыдзяржаўныя і міжнародныя перавозкі пасажыраў і грузаў, злучае населеныя пункты і асобныя аб’екты і з’яўляецца складовай часткай адзінай транспартнай сістэмы дзяржавы. Гэты тэрмін уключае таксама спецыяльна пабудаваныя часовыя дарогі, акрамя самавольна накатаных дарог.
У многіх краінах існуюць таксама платныя аўтадарогі пры ўмове іх істотнага ўдасканалення і забеспячэння альтэрнатыўнага праезду транспартных сродкаў бясплатнымі аўтамабільнымі дарогамі. Яны будуюцца ў месцах з вельмі інтэнсіўным рухам і даюць магчымасць вадзіцелям скараціць час і шлях да канчатковага пункту.