Дзядкі́ валасістыя[3][4] (Agrimonia pilosa) — від кветкавых раслін роду Дзядкі (Agrimonia) сямейства Ружавыя (Rosaceae).
Шматгадовая травяністая расліна вышынёй 50—150 см з тонкім сцяблом, разам з чаранкамі лісця ўкрытым доўгімі валаскамі. Лісце чаргаванае па даўжыні сцябла і ў прыкаранёвай разетцы, няпарнаперыстае, складзенае з 5—7(9)[4] лісцікаў рамбічнай формы, з зубчастым краем і апушанай мяккімі валаскамі паверхняй.
Кветкі бледна-жоўтага колеру, з пяццю[5] пялёсткамі, сабраныя ў коласападобнае суквецце. Плод — арэшак з прыўзнятымі шыпікамі, якія сыходзяцца ўверсе конусам.
Расліна распаўсюджана ва ўмераных і трапічных зонах Еўразіі[6]. Расце па берагах рэк і ручаёў, у хмызняках, на ўзлесках і палянах драбналістых лясоў, на лугах. Мезафіт і эўтроф[5]. Добра пераносіць недахоп асвятлення[5]. Цвіце ў чэрвені—ліпені[4].